Omalelo goondoolopa gwokonooli, Eehnana noRuacana oga shaina etso kumwe lyuukumwe mehuliloshiwike.

Omalelo ngoka gaali oga yelitha kutya kagi ili kokule miilonga,  oyindji oyi na ondjila yimwe onkene ompito ndjika otayi tsu kumwe notayi hwahwameke onkalo yehumokomeho ombwaanawa.

Mayolo gwondoolopa yEenhana Omri-Onn Kavandje    okwa kwashilipaleke kutya uukumwe ya tula po pokati komalelo goondoolopa ngoka gaali otawu ka kala wu na ombili nelongelokumwe ewanawa.

Ta ti, omalelo goondoolopa oga kala melongelo kumwe nuukume uuwanawa, wa kala  tau ulikwa miilonga ya yooloka, sho shoka taya nkondopaleka uukuume pokati kawo.

“Ehumo komeho ohali ya po uuna oondungethaneko tadhi tulwa kumwe oku eta po omauwanawa, onkene etokolo ndika lya ningwa komalelo ngaka gaali olyili mondjila,” ta ti ngaaka.

Elelo lyondoolopa lyaRuacana olya kwashilipaleke kutya olyina okulonga neitulemo okukaleka po uukumwe uuwanawa po kati kawo.

“Uuna omalelo goondolopa gena elongelo kumwe ewanawa ohali nkondopala noku longa iilonga ya wopala shoka hashi tula woo oondoolopa ndhoka ponkatu yilwe,”ta ti ngaaka.

Aakalimo yomoondoolopa moka oya  kwashilipalekelwa kutya otaya ka mona omayakulo omawanawa onga iizemo iiwanawa okuza melongelo kumwe lyomalelo goondolopa  ngoka gaali.

– vkaapanda@nepc.com.na