Ekuruhngi rOtjimebre tja Namibia ndi ha serekarerwa eena rembo ndi mari tjiukisiwa kotjiveta ndino ndi ngurova tjazumba ari utu okuhandjauka mozonganda ozorandise zomambo kutja omundu auhe ma rande nu me riresere ekuruhungi rokatanga komuinyo.

Oro ra tjangwa i yomutjange omukuru womanyando nu wina eye omuini ngwari omunyande wokatanga nga, nguri Carlos Kambaekua, wina omutone wotjihumba ihi tjombao ngamba. 

Motjimbere ngwa yata ozondambo motjira tjimuna Ohungry Lions neeku senina mOramblers, porutjandja rwayo ndino ndi ngurova pomaturiro inga wOpioneers Park mOtjomuise nduri oruveze embo ndi pu mari tjiukisirwa kotjiveta. 

Puwo pu mape kara ozonduna novahungire pekepeke ovaṋangwa mu mu na ngwari oserekaze ondenga oitjatatu ya Namibia Monica Geingosa; Oministera yOkehi yOmahongero; Omamemeno, Omitanda, Omanyando, Ovinangongo nOmbazu, Dino Balloti nOperesindenda yEhika Rotjimbere ra Namibia, Onamibia Football Association (ONFA), Robert Shimooshili. 

Mo 2022 Kamabaekua otja tjivisa omamanukiro wembo ndi ama tja wa tokwa i yomuyaruke Operesindenda Hage Geingoba, eye wina nguri omutjange wembo epaturure raro, okuritjanga. 

Nondando yokuhonga ovanyande vakandino ndi kutja mOnamibia enyando ndi ra utire vi. Nokuvezemburukisa ovanyande nozonyose zazo ozonguru tjimuna oo Obed Kamburona, Usiel Tjarera, Pele Blaschke Oscar Tjahuha novakwao. Nu kuṱa nguno oo Oscar Mengo, Pius Pele Eigowab. Mentos Hipondoka.

Mari yaruka kotjikuru kozombura inḓa o-1910 Ovandoitji tji va uta netanga mOnamibia ngandu koruveze rombangu yohoromende ya South Afrika ovanyande vovazoozu tjaave ha yandjerwa okukanyanda pendje nehi motjira tjehi ngandu kongondjero yoku ritua pondondo ndja kayenda ovanyande mu ve sutirwa oyo ndjiri ongondjero ngamba na Namibia ndji kondjisiwa nu ndji hi ya tongatonga pu pe ṱa pi.