Omupeduminista wehongo lopedu neenghulunghedi Faustina Caley okwa kumaida ovakulunhufikola, ovatalelishikandjohongo, ovahongifikola nosho yo tuu opo va kale ve na oukumwe wokuyambidida ovanafikola va pite noidjemo iwa. 

Caley okwa li ta popi oshivike sha dja ko kosekundofikola Etosha Secondary School i li moTsumeb komutanda wa nunimwa ovakulunhufikola, ovahongifikola nosho yo ovatalelishikandjo vehongo. 

Elalakano lomutumba okutopolelafana omayele nghene oshitukulwa shaShikoto tashi ka longela kumwe okueta po oidjemo iwa. 

Oshitukulwa shaShikoto omudo wa dja ko okwa li shi li monomola yotete moidjemo yondodo onhi-11 omanga oidjemo yonhi-12 okwa li shi li ponomola onhi-4. 

Omupeduminista okwa ti osha fimana ngeenge ovakwatelikomesho vehongo koitukulwa tava longele kumwe okutopolelafana omayele. 

“Oshili oshinakuwanifa shomukulunhufikola okukala ta popi novahongifikola vaye nghene ve na okulonga nondjungu opo ovanafikola va pite nawa,” ta ti. 

Okwa weda po ta ti ovanhu nava kale ve na ekwatafano liwa keefikola, keembelewa doikandjohongo nosho yo kombelewa yehongo yomoshitukulwa. 

Caley okwa twa ovahongifikola omukumo opo va twikile okulonga nelitulemo. 

Okwa pandula oshitukulwa shaShikoto eshi sha pita noidjemo iwa omudo wa dja ko. 

Omukulunhuwiliki wehongo moshitukulwa shaShikoto Aletta Eises okwa ti ombelewa yaye itai twikile okuxwaxwameka ovakulunhufikola opo va kale tava lalakanene oidjemo iwa. 

“Oha tu yandj e omap ap a kovanafikolavapitanawamoshitukulwa shetu. 

Elalakano otwa hala ovanafikola va kufe ko oshihopaenenwa shiwa kuvakwao,” ta ti. 

Eises okwa weda po ta ti ohava yandje natango omapapa kovahongifikola ovo ve na oihongwa ya pitwa nawa. 

“Ohatu yandje omadeul o kovahongifikola moilongwa ya yooloka mwa kwatelwa ovahongi voshilongwa shoLife Skills,” ta ti. 

Okwa ti oshitukulwa shaye otashi lalakanene okukala shi li ponomola yotete moshilongo okudja pondodo yotete fiyo onhi-12. 

-fhamalwa@nepc.com.na