Epangelo ola yandja ekwafo lopashimaliwa sha konda pomiliona N$1 okukwafa ovakulupe osho yo ovakwashiwana vomoshikandjohoololo shaNgenga.
Oshimaliwa osha nhuninwa ovakulupe novakwashiwana unene ovo hava mono oyuuyemo ili pedu moshikandjohoololo.
Kansela woshikandjohoololo shaNgenga Joseph Nenghwanya okwa ti oimaliwa ei natango oya nhuniwa yo okutungila ovakulupe omaumbo, unene ovo veli momhumbwe nova pumbwa ekwafo opo tai dulu okuyandja ekwafo la tya ngaho.
“Modoolopa yaNgenga omuna eeplota dili omuwoi odo da wapalekwa nale nawa notadi ka yandjwa kovakwashiwana oshali,” Nenghwanya ta holola ngaho.
Okwa twikila kutya ovanhu ava va wanifa oku udifa eefoloma opo va dule oku pewa eenhele edi, nava kale vena eedula okudja po21 wa finda pombada.
Okwa holola kutya ngeenge ove li koshi yetonatelo lovadali ile omufilishisho keshe, oshimailwa shokomwedi eshi ha mono inashi konda po N$3 000.
Nenghwanya okwa yelifa kutya ovakalimo ava va hala oku hadifa ndele ova koya peedula o 50 nava kale yo navo hava mono oshimaliwa shili koshi yo N$3 000.
“Keshe omunhu ta ka hadeka ofooloma ei, oha tu indile a kale omukalimo waNgenga, ndele mOngenga na kale a kala mo eedula da koya pumbali,” ta yelifa ngaho.
Nenghwanya okwa twikila kutya eefoloma doku hadifa eepolota edi opo ovanhu va dule okutulilwa po omalukalwa ota di xulu mo 22 Mei 2026. Ota di hangika pombelwa yaye pOngenga.
Kansela okwa yelifa kutya eenghalo osho yo omaukwatya ovanhu oku li oshinakuwanifa shepangelo, nepangelo ota li longo noudiiinini opo li dule okukwafa oshiwana moku shifila oshisho.
Omanga epangelo la yandja oimaliwa i fike apa kOvangenga, natango ombelewa yangoloneya oya yakula eeshako dolwoshi okudilila kapangelo di kwafe ovakalimo vomoshitukulwa.
“Eeshako pombelwa yange oda fika po Etitano. Oha ndi indile ovakwashiwana opo va kale vena eengodi dina omindilo, vo va dule okudengelwa ngeenge olwishi eli ta lika yandjwa keenhele davo,” ta ti.
Nengwanya fiyo opapa ota pandula epangeo molwa oilonga iwa oyo tali longele ovanamibia aveshe koonono.