Lahja Nashuuta
Mbunga politika zaNudo ngesi simpe vanarundurura epongo lyawo lyenene ndi asi congress lyokukahorowora nompitisili wombunga zawo ngesi vana lirumdurura dogoro mo 2026 nye kwato ezuva. Mbudi zangesi kazigeve Presidente gona gombunga ezi, ana kara hena asi kansela gwaAminius moOmaheke Peter Kazongomuinja posiruwo oso kavakere nepongo novanambudi moVenduka sivike seesi.
Apa nye kahuyungisire kavapongere pevango eli. Age simpe kafatwilire marwanambo ndi nomutangu dina kara mombunga ezi nomunye ana kuyimona asi mbunga zawo zina liwapayikire komahoroworo gana kuwiza govakansela wonodoropa ntani wonomukunda horowero, aga gana kukakarako mwaNovember mvhura zeezi, eyi yiyo nye kayinikisire varundurure epongo lyawo lyenene.
Esi ngesi kuna kara nye sikando sautatu omu Nudo ana kurundurura epongo lyendi lyenene. Omu yina kara asi mavango gomanene ngwendi presidente, presidentegona nomunasipundi mavango nagenye aga vahepa kugarumbasanena. Epongo eli kwakere ngano mwaJuly 2023, kevango lyaRamatex moVenduka nye kwawizirepo nomutangu dogoro nompitisli datokwere asi elikwamo lyangesi lyahepa kuhaga.
Siruwo ose president gombunaga Esther Muinjangue yipo gamwene asi kapi yina wapa vatwikire morwa vazigidwa kuna kulitangwisa momunene ntani kapi yina kumoneka nawa. Makura epongo eli kwalitulire asi liyakareko mwaMay 2024, ano ngesi 2026. Hamutjanga gwanare Joseph Kauandenge, ogu kasigire sirugana sendi kwedi kuna puko, katente asi eyi kuna kumoneka asi mbunga zegendeso rudi rovaHerero kuna kuwiza unene moupolitika yiyo nye yimwe yina kugwedako komapiyagano gangesi. Momapuragero tupu sinkwa ntani, Kauandenge katjangwilire mukaro asi kapi guna wapa. Omu vana kurwanene mavango goumpitisil, vahana kukwama udemokoli nongendeseso. Posiruwo sooso Nudo kavapere nye sirugana hamutjanga ntonigona akwateremo mouhamutjanga ntoni, kavapere nye sirugana oso kwaJoseph Uapingene morwa Kauandenge anatundumo mosirugana. Moutano kaupwire Kauandenge yipo katulire mbunag politika zendi paveta zedina Association for Localised Interests (Asoli) nokutanta asi aga gakara ngororo silyo saNudo. Siruwo oso nudo teete kuhamena Kauandenge ogu nye nakara noyikarata yivali yonombunga edi mbali. Kazongominja kayitambwire paveta asi egendeso lyakahurako lina gwana mbapira zokutunda moNudo zina tundu kwaKauandenge awo hena vazitambura asi eze tupu.
Hamutjanga gona Uapingene, yige nakwateramo asi hamutjanga ntoni dogoro paapa ngavahingira vegendeso lyakahurako ntani epongo lyenene. Kazongomuinja kagwedereko asi nampili ngomu vana kara noudigu, nudo natwikira ngorooro nocampaign zendi omu navakara novagendesi monomukunda nokukara asi awo tavakahamena momahoroworo gosirongo.