Paulina Ndalikokule

Ronel Peters ngoka a ningi egumbo lye olukalwa lwaanona lyoRuach Elohim Foundation moSwakopmund pamwe nomusamane gwe Dick Peters otaya indile aakiintu yokonooli ya kwatathane nayo opo ya vule okumona ekwatho lya nkene ye na okufala aanona mboka inawu halika nenge tawu mono iihuna wu li kohi yoomvula ndatu kuyo.

Peters moonkundathana noshinyanyangidhi shika okwa ti ngashiingeyi oya taamba uuhanona wu vule 70, moka uunona 30 wa ziilile mokapakete kegameno lyuunona hoka ke li pegumbo lyawo haka tulwa aanona mboka inaya halika nkene ye shi totele mo2018.

Ta ti mokapakete moka omukiintu ota vulu okuthiga mo okanona ke kape na ngoka te mu mono nenge te mu pe uusama nokanona ote ka thigi megameno.

“Ngele okanona oka thigwa mokapakete moka haka pata taka gandja etumwalaka kaaniilonga yetu ya kuthe mo okanona megameno,” ta ti.

Ta ti aakiintu mboka taya kambadhala okukutha mo omapunda, okudhipaga uunona nenge oku wu ekelahi inaya tila okukwatathana nayo oshoka okuza mo2019 ompango moshilongo oya gandja elombwelo opo aakiintu kaya ehameke uunona oshoka otaya vulu oku wu thiga pomahala ga gamenwa ngaashi popolisi, poshipangelo osho pomahala gookadhimamulilo.

“Ngele omukiintu oku wete kutya pamwe ota monika ngele ta ka thiga okanona pomahala ngoka ota vulu okuya koSwakopmund te ka thigi mokapakete ketu,” Peters a ti ngaaka.

Ta ti okweekelahi uunona moNamibia okwa ninga okundji moshilngo molwohole nohokwe yokugamena aanona ye li monkalo yemono lyiihuna, ta gwedha po kutya okwiitala kutya olyo eyithano lye ou ya sila aanona oshimpwiyu.

“Opo tu hupithe oomwenyo dhika dhaanona otwa pumbwa oku longa nokutsa aantu omukumo kutya opena mboka taya vulu okumona omakwatho, ngame indii tayela kutya ndika olyo ethano lyandje omuwa a pandje okuza nkene ndali okanona meme okwa longa ndje oku sila aantu oshipwiyu,” Peters ta ti.

Pieters okwa ti uupyakadhi woku ekelahi uunona ohawu etwa unene kaalumentu taya ipatana uunona wawo.

“Aaakintu unene oyo ayeke haya ikwateleko oku tekula aanona, aalumentu oyendji inaya hala nande oku ninga omakonakono yakwashilipaleke ngele unona owawo uuna yalimbililwa oshoka inaya hala oku kala noshipwiyu noku kwathela omaluvalo gawo,” ta ti.

Ta indile aantu ayehe moshilongo ya yambidhe unene tuu oku tonatela nokulonga aantu kaya ekelehi wee aanona.

“Otuna oompumbwe odhindji oshoka otu na mo aanona yamwe yena uukundi yapumbwa omatando, omapango gopaundjolowele nosho tuu, ota ndi indile omahangano, epangelo naaNamibia ayehe konduko yayambidhidhe nakehe shoka taya vulu opo tu vule oku hupitha aanona mbaka.

Ta indile aavali mboka yahala oku kuthamo aanona yamwe yeyatekule yapititile komuhungimwenyo Catrien du Toit kuuyelele wagwedhwapo konomola +264814494227, manga kombinga yokukwadhela aanona aantu naya dhenge +26481 242 6396. 

ndalikokulep@gmail.com