Abraham Fessy Nameho gwomimvo 30 okwa si moshiponga shohauto, sho anuwa ohauto ndjoka a li ta hingi ya indhenge moshikoto sheloli.
Sha ikolela kepeko lyopolisi, oshiningwanima shoka osha nongwa mehuulilo shiwike, moshishitopolwa shaNayena, pokati kOnethindi nOnathinge moshitopolwa shaShikoto.
Opolisi oya ti, Nameho ngoka a li ta hingi okahauto kokaVolkswagen Caddy keena omukanda gokushinga ohauto okwa li ta hingilile, tazi kuuzilo, sho eloli ndjoka kwa li tali zilile kombinga yokOndangwa lya londo kopate inaashi tegelelwa. Shika osha etitha opo okahauto hoka kali taka hingwa kuNameho kiidhenge moshikoto shololi.
Opolisi oya ti omuhingi goVolkswagen okwa li a hulithile poshiponga omanga aafalelwa ye kwa li ya mono iiponga iishona, no ya li yafalwa koshipangelo meendelelo.
Omuhingi gweloli ka kwa li a mono oshiponga.
Opolisi otayi tsikile okukumagidha oshigwana kaashi hingilile we, oshowo shi simaneke omadhidhiliko gomoopate.
Tayi ti, iiponga ohayi holoka unene una ohauto tayi hingililwa, ihe ngele ohauto otayi hingwa kashona onuudhigu yi ete oshiponga.
Opolisi oya kumagidha wo oshigwana shi kale tashi lopotele opolisi uuna sha londa moohauto tadhi hingililwa opo opolisi yomopate yi longe iilonga yawo mbala.
Ta yi kumagidha natango kutya, okuhinga kohi yomalovu ohaku eta iiponga, no haku faalele oomwenyo dhaantu.
Oshigwana nashi hulithe po iinima ayihe mbyoka.
Opolisi otayi tsikile okulonga nuudhiginini okukwashilipaleka kutya aahingi yiihauto oshowo omandhindhiliko gomoondjila otaga landulwa nokusimanekwa.
– vkaapanda@nepc.com.na