Odoolopa yaHelao Nafidi moshitukulwa shaHangwena, oya teelela oudano wakula, oo tau nyanyuda oshiwana muDesemba.

Oudano weenyongo vati owa teelelika u ka kaleko mo20 Desesenba, nOmupresidente woshilongo Netumbo Nandi-Ndaitwah okwa teelelika a ka kwatele oshitufi komesho. Oudano weengoyo owa teelelika u ka kale pokati kaWalter Kautondokwa osho yo Nathanael “Natty” Kakololo. Umwe womovakufimbinga voudano ou, Walters Kautondokwa okwa ti oudano ou okwe u hafela neenghono. “Nokuli ondi wete ashike omafiku taa ende kashona, ndi ye mokapale ndi ka mwenyeke oshiwana,” ta ti.

Omanga Nathanael Kakololo ta ti ye okwa pandula komhito ei, eshi ta i ka ningilwa koshitoplwa shanooli. “Konooli oko keumbo, nonda hafa, navali ame ondi udite etumba lakula shaashi ovapambele vange otava ka kala ve na omhito yokumonange eshi ndi li molinga hai shi endifa nawa,” ta ti. 

Okwa twikila kutya ei omhito iwa neenghono shaashi vati ofamili yaye nayo otai ke mu pa omukomo osho yo eenghono, eshi tai ka mona omhito yokukufa ombinga moshiindingili. 

Omunambelelwapitifi omukulunhu wehangano lo-MTC John Nekongo okwa ti Namibia okwe li paka mo mokuxumifa osho yo okuyambidida oshikondo shomaudano. 

Okwa ti ei otai ka kala omhito iwa kovanyasha ve likufe oudja, vo va tunge yo omakwafatano novanhu va yooloka moinima i lili noku lili.

Outekete otava ka landifwa peefitola doModel odo da li hadi ufanwa nale Pick ‘n Pay.

-lmupetami@nepc.com.na