Mugara ogu ngalimono mwene nomvhura dapita asi yige mwene gakahurako mokukara muSWAPO ngesi ana dukamonye. Hamutenya ana dukamo moSWAPO apa kageve mbudi ezi age kapulire asi wolye vana kumukwama ndi asi vanakurugana eyi ana rugana age. Ava kavamukwemeko vaava tupu twadiva ngwendi: Festus Naholo, Shapwa Kaukungwa, Kandy Nehova, Kauku Hengari, Selma Utoni, Nora Appollus, Lapaka Weyulu, Peter Naholo, Kondja Nghihalwa, Michaela Hubschule, Nghiningilwandubo Kashume, Marten Heita, Freddy Kauluma Shipopyeni, Liboly Haufiku, Kauna Ndilula, Lazarus Shaduka,navamwe ngoso ava vana kara asi kapi vadivikwa mombunga zaSWAPO.
Ogu nye kavakere nendi komeho kakere Hubschule naHamutenya yiwo kavakere komeho apa mwene muduki kazigilire asi ana tundumo moSWAPO,omu gakere nomvhura 46. Ntani hena age katente asi ana sigi evango lyendi mombongarero zanavenye. Age katanterere vanambudi asi kageve mbapira zendi zokutundamo moSWAPO Nomombongarero zanavenye, nye kapi kagwene nkumbu.Nye pwanayina ngesi oyo kapi yina kara mulyo.”Ame nina tura nare etokoro lyange. Nina tundumo mombunga ezi.”
Nina mupe uzera,ame kapisi nimuSWAPO hena.Nani tura asi ngapi nina kuparuka ndi ngapi meho zange moyivike oyo yina kuwiza ndi makwedi.
Epongo eli kavakerepo wovanzi vaava twadiva asi yiwo vana kutura mbunga politika zawo, ezi vana kutumbura asi Rally for Democracy and Progress, ava kavalipakerere kumwe novarugani komberewa zountu womuntu NSHR, navamwe wokonombunga politika dimwe ngwendi DTA naCoD. Apa nye kavasikeme, apa kavavapulire asi wolye vanatundu nawo moSWAPO,kayikere sitetu.RDP,mukwetelimo gwazo mevango lyoupresidente Jesaya Nyamu nage yipo kakere.
Ekaropo lyendi nomuvana kuuyunga naHamutenye toyimono nawa-nawa asi hawe ava vavali kumwe vana kara. Ose kwagazara asi yininke kapi nayiza ure ngesi, nye ngesi nyose nye ava. Vantu kulitjindja nose yiyo tuna litjindji. Yimo ana kuuyunga Kashume komeho vagave asi yinke vana zigidire vana mbudi.
Hamutenya kwakara ministera kutunda tupu apa samanguruka sirongo dogoro mo2004. Pomuhowo kwakere ministera gonombudi nomapukururo ano konyima tayakara gononkesefa dogoro gweyiyoponze zosirongo mepitisiro lyaKamarada Sam Nujoma ngapresidente gosirongo gokuhova. Age kwamutjidire moyirugana kumwe nomunona gwendi Dr Kaire Mbuende.Kuna kumoneka asi Nujoma kwagusire etokoro lyewa mokuvatjida. Nye age ana divara asi nayinye oyo kuna kudiworokako tupu asi kwakere ministera gomapukururo. Nayinye mwato momutwe gwendi.Egano lyendi kwayazonauka apa gayagazarere asi ngano tudi yige nakara presidente gosirongo. Nye kwaya mwene yihuna apa vageve yitindwamo asi ana zumbanesa.Age kwahere kukara kandindate gombunga zaSWAPO momahoroworo goupresidente mo2004. Vantu ava gatulire asi ngano vamupaparere evango eli kwakere vepuko ndi awo kwarugene sirugana sepuko.
Age kwazumbanesere kwaKamarada Hifikepunye Pohamba. Ose etundo lyendi moSWAPO kapi lina tutukukisa. Yimo ana kuuyunga gumwe ogu kakerepo.Mugara ogo kapi gakara moomu twamudiva nare kutunda tupu apa gahere asi ngano akare presidente gosirongo mo2004. Age yimo ngaroto asi ezuva limwe ngagusako Nujoma,novantu ngoroooro ngavatantere. Ano apa nye yina pilire kuhoroka hawe age yiyo ana gazara asi kuzako hansa. Mugara ogu kwafana ngwendi rugongoro, kuvhura kulitjindja. Age simpe kuna kurota asi ezuva limwe ngakara presidente gosirongo. Morwa magano nye gangoso yiyo yina kuninkisa vakwawo vapire kumuhuguvara. Tara tupu ngesi SWAPO mudona morwa kapisi yige presidente gosirongo.Siturwapo sendi kwakere asi ntudi nyame nsene kapisi ngoso SWAPO mudona. Age kapi ana kara hena noudemokoly. Ngano yige nye vahorowora ngano gapura asi congress kwawepe. Tutareni asi kupi natwara RDP. Kuvhura zimugwe momawoko.Kapi ngakalyatako kembo lyepamgero olyo ana kurota. Ndindireni tupu. Kutunda tupu mo2004, age kwakara tupu nomagano gavali kutunda moSWAPO akalipakerere naNYAMU.
Kukwama tupu magano gena gatjenge NYAMU.Hamutenya kwamuretara egano eli googo mukwawo zendi gamutumbwire asi ngano akare presidente. Hamutenya kwawizire moSWAPO mo1961 age nomvhura 22,yiyo vamutumine akarugane komberewa zoSWAPO moCairo, Egypt,nomukurona gwendi gakere Emil Appollus mo1963. Age gumwe govanasure vatumine vakalironge koBulgaria,unambudi nye eyi age kapi kayitumbwire ana divara.
Age kuna kudiworokako tupu asi kwamutumine koUS, aka karerepo mbunga zaSWAPO.Age kwakatengwire koLusaka, Zambia, mo1973, kumwe nokuyamupa ayafire sinka erongo.Ano mo1976, age tavamuhorowora silyo sokomiti zontjima-ntjima zoSWAPO, Nopolitikal Biro. Siruwo sooso yiyo gayakere nage gumwe gwava vakondjerere asi Revolusotion 435,zize moyirugana.