Konyara nosure dokusika ko ntano ngesi tanko dina pata posiruwo sosisupi konyima tupu varongi wokusika ko 58 ntani varongwa 188 ntani 11 varugani woponosuere odo kavavagwene asi vana kara nokambumburu oko ko Covid-19 monosure dokulisiga siga edi dakara asi momukunda horowere gwaErongo.
Mukurona gerongo momukunda gwaErongo Erenfriede Stephanus, mosiruwo nye esi vaturapo sokugava mapukururo mosivike gokuhamena koCovid-19, elikwamo nye eli gatulisapo nguuru gomukunda horowero gwina Neville Andre, kavatente asi nosure dokusika kwane vadipata mokaruwo gona edi dakara momudingonoko gwaOmaruru konyima tupu apa nye kavagwenbe asi koveli vana kara nouvera ou.
Ado kuna kara Usakos sekondere, Karibib sekondere, Otjiperongo sekondere, ntani Da-Palm sekondere.
Flamingo sure zeprimere moWalvisBay azo kazikere nye zautano ezi nazo kavapete nkera konyima tupu apa kavagwene yitundwamo yina kulikida asi mukisi ogu poguli posure ezi.
‘’ Nampili ngoso ose kuna kumona udigu unene moSwakopmond omu yina kara asi vamitili 24 ntani varongwa 84 ntani varugani woposure kavavagwene asi kuna kara nokambumburu aka ko Covid-19.
Ose hena katuzumbanesere mitili gwetu gumwe arongo posure zaTamariskia primere omu yina kara asi sinzi sovamitili vetu ntani varongwa ngesi kuna kara momavango gokulikarera pwavene,’’ yimo ngoso ana kufaturura.
Stephanus simpe kagwedereko asi sure za Festus Gonteb primere moSwakopmiund nazo zina gwana mukisi ogu, omu muna hamene vamitili ntambali rambangako mukurona sure gosure za Namib zepeguru, ngesi nawo kuna kara mevango lyavene velike.
Ano moWalvisBay momudingonoko, katente asi 16 varongi ntani 24 varoingwa kavavagwene asi vana kara nokambumburu aka ponosure dokulisiga siga.
Ano sivaro simwe kavasirapotere posure zaArandis. Eyi kuna kureta nye udigu unene melikwamo lyerongo eyi yina kara asi ngesi vahepa kuvagaununa monombunga mbali omu navawiza kosure mazuva gokulisiga siga, yimo ana kutanta Stephanus.
Age kahundilire vakurona asi varuganese siruwo esi vatare asi vanona kuna kuza kosure kukwama mazuva gawo ntani nsene pembo vana kara vahepa kurugana yirugana yawo yosure.
‘’ Nawo vahepa kukwama elikwamo olyo vana turapo wosure ndi asi nosure dokulisiga siga yahakara asi awo kuvagwana tupu nye mononzira tavagendagura.
Ose natuvenye kuna kara mpomukaro gokutjilisa.
Vahepa kukara pembo ntani vakare mekeverero vakanguke, yimo ana kutanta Stephanyus.
Nosure dokulisiga siga nare dina tumu nombapira omu vana kupukurura vakurona asi awo tava patesa moutano kukwama moomu kaziyigeve ministeli zerongo epato nye eli vana kutumbura asi epato lyokufu.
- edeklerk@nepc.com.na