Omukainhu weedula 44 ha longo meumbo okwa kwatwa po eshi vati a vaka po eelinga, oulyenge vomofingo noutenda vomomatwi vondilo vomuhona waye. 

Oinima ya vakwa po vati oi li pongushu yoshimaliwa N$80 000, ya kufwa meumbo li li moTsumeb omo omukainhu ou a li ha longele. 

Omupopiliko wopolifi moshitukulwa shaShikoto Inspector Ellen Nehale okwa hokolola ta ti mwene weumbo okwa li a ya kefudo muDesemba naashi a aluka vati okwa hanga omufekelwa a vaka po oinima yaye. 

Vati omufekelwa okwa landifa po oinima oyo a vaka ashike oya ka monika eshi omuhona waye a lopotela opolifi. 

Omufekelwa ota holoka Etitano nota pangulilwa oshibofa shoumbudi. 

Oshiningwanima shikwao, opolifi moshitukulwa shaMusati oya kwata po omulumenhu weedula 35 ou kwa li a ninga omafiku ta kongwa konima eshi a faduka po a dipaa omukainhu waye Evone Fillipus weedula 25 momukunda Gwashikololo Omaandaxa. 

Opolifi oya hokolola tai ti omufekelwa ou vati okwa denga omukainhu waye fiyo omefyo pefimbo kwa li tava tanguna meumbo lavo. 

Vati omufekelwa okwa li ta kendabala nokulikufa omwenyo konima eshi vati a vaka omakumbafa poushiinda. 

Opolifi oya koholola tai ti omufekelwa okwa kala eli tuvikile noikumbafa moixwa oyo a vaka onghee ota holoka momhangu yaOutapi nena mEtitano. 

fhamalwa@nepc.com.na