Kae matundu-Tjiparuro

Ombongo ndja yende ozombura azehe nḓa o 60 moupupu na mouzeu wayo kai nokusokukara notjiṋa tji matji i uru tjinene mongamburiro. Tjinga ae ri ongamburiro ndje i yeta mba. Nu ndja ura nokuṱika ovakambure pekepeke mba zu kominda pekepeke nganduu kouye wokomuhuka pondovi indji pu pa pitirire ovakuru, ehi ra Tjaua¿a, na tjiva mbu mave zu moukoto wa Namibia. Oritjatatu ozondanda tjandje za utu okutonwa kutja ouṱuku waro petjire Oritjaine, ndari erero, utjire meke okutjakanena ozombura 60 zongwatero yombongo indi erero. Tji ya ri 24 ku Katjose mombura indji o 1960. Ombongo ya Afrika. Oritjavari mapeta Jazema Hangero wa karere potjihungiriro, Kueekuje Kazapua, ngwe rihonga oveta pa kwekururire ozoveta za Namibia, na tja ze ṋiṋikiza nokupatera omitanda pendje nozombwiri nḓe yandjwa i yohoromende. “Ove komoo tja omutanda tji ma vanga okuyazema otjimariva u sokukara nouini mbu mau kwizike kutja otjimariva tja yazemwa, tje ha kotorere ohoromende mai mu munu mo tjike, koruseina wa tjere ozoveta zohoromende tji maze zikamisiwa ngaze tare kehupo nomaeneneno wovandu avehe, orondu popengi i patera omitanda pendje.

Oritjatatu mapeta pombamba yavyo oviuru vyombongo vyari ama vi ningenisa nokukohorora omiriu kaṱiṱi okurongerera ongurova.Nungwari tjandje vya zuzuka. Hapo pu pe nOmutarere Kapanda Marenga mape kara omiriu mbi hi ya zuzuka? Kuye mo weza ko Orata Onene Niclaas Mooṱu.Kakutja nai ongongo otjiiri mokuvare omayuva womasuviro nga pombongo ya Afrika. Nganduu kOsondaha tjipena otjiungura otjinene tjomatwirisiro wOmuhonge wOkombanda ngu ma yarukire po omuhonge omunene omuyaruke Marcus Kazapua, ngu ma yarukirwapo i Paulus Kandjou na Ngetujame Makari otjomuhonge wokehi ye. Oritjatatu tjandje oruhindo orutenga okuza kOtjauana rwa heruka rwa Handura pombongo, oro tjinene ndwa zire mOrukondwa rwa Ngami. Otjiungura tjomatwirisiro Osondaha, tji nomuhonge omunene omukuru wOruhindo, Zephania Kameeta, ombongo ya Afrika mu ya poka.