Otjomuise - O Covid-19 kaina kunyanda ma ipumbura ovandu peke mo tjiwana no ku hino kutara no ku vara ouhenendu poo ouhina henendu wawo.

Omweze mbwa zuko muvarwe ovengi otjombepo tjii pumbura oviyao komiti ya mbupurire ovazandona va Kapere na Tjazuko, Mandela Kapere na Juku Tjazuko. Oyo aihatja opuwo mo mbura ombe indji meritjindi nu ma tanaura ongaro.  Nungwari mayerurireko ongaro yazo ohazendu oku pumburura no ku porera ominyo vyivandu peke peke muwo mu muna ovahuze tjimuna Omuhonge Aputii Kaura; Omunagetjefa Nanakie Kandjii; eengwi ngwee  kuseinina otjo Ngooneya  ya Rongo, Cleophas Kairimutue Mutjavikua; Omuhonge Marius Ndjavera; Orata Onene yOnguatjindu, Uazuva Noag Tjizepa;  MiÞiri Kapuumue Ngozu; OmiÞiri ombyuke no ndjimbure Mukoperwa Kanguatjivi; omunangetjefa  Vido Tjozongoro noruseinina nai Onganga Desmond Kandjoze. Indji oongaro novitjitwa vyo tjivepo otjitjavari tjo Covid-19 nai tji ma tjihingi mouye, na mo Namibia wina, okuza ko ma yandero wombura ndjazuko nu tji tji hiyawa pehi tji ma tjihingi mo mwano omuhimise no mu kendise. Omayuva inga ovivarero vyo vandu mba munikwa o Covid-19 oupe vihinga mo ma sere no ma sere no Rukondwa rwa Khomasa ndu hu nonaparera po o vi varero ovingi vingi. 

Momautiro womweze imbwi tjiyari etenga ovandu avehe kumwe mo Namibia mba munikire o Covid-19 oupe vari o 604 otjingi tjavo 0 256 okuza mo Khomasa. Tjiyari yevari ovandu avehe kumwe o 109 omba munikire omutjise imbwi oupe, muwo mbari kombanda avari va Musati (Outapi) o 23. 

Nomena ro kutja etenga rari eyuva ro ma suviro okutja orupa rouveruke kana pu rwa yakurire ovivarerpo ovingi okuza kotupa peke peke. Posia tji ma karira yetatu aviyaruka ko kombanda rukwao kuvikara tjika ovandu avehe kumwe o 462 ava munikirwe o Covid-19 oupe muwo ovengi vengi, 117 okuza mo Khomasa mOtjomuise. 

Omandaha rotjiveke ihi tjiyari yane, ovavere ovape vari o 270 muwo o 82 averi ovature va Tjomuise mo Khomasa. Oritjavari yari ovandu o 501 o 153 va Khomasa mOtjomuise. Oritjatatu vari 432, mo Khomasa o 208.