Ehi rOvandoitji re ri yeura ko ma rondora wo ku yandja oruvara kOmatombero wa Israela wOnḓuvasaneno Yomatjururiro wOtjiṱiro Otjindjandja.

Otjiveke Omandaha na Ritjavari  Otjombanguriro tjOuye tjOukohoke otji tja puratenene otjiposa itji Onicaracua tji ya ri etenga komueze mbwa zuko otji ra hitisire otjiposa ihi. Ama ri raisa kutja mena roruvara rwEhi rOvandoitji ndu ha pokere kOisraera, mu mu noku kaherura oviumbe kuro, munao Ehi rOvandoitji kanaa ra toṋa motjiungura tjaro otjokaṋepo kOnḓuvasaneno ndji okutjurura Otjiṱiro Otjindjandja tji tji kayendisiwa ngamba kOvaparestina nu mena ranao wina “otji ra yandja ohambwarakaṋa komatombero wOnḓuvasaneno”.

Okuza nOsouth Afrika ombura ndja zuko tji ya nanena Oisiraera kotjombanguriro hi, mokurirondora kokutja otjitandi tji rikawondjisa mOgaza kehi yOnḓuvasaneno yOndjururiro nOmberero yOuhazendu wOtjiṱiro Otjindjandja yOtjombanguriro Tjoukohoke Tjouye tjOmihoko Omikutasane, otjiṱiro otjindjandja, Ehi rOvandoitji momautiro wombura ndji otji ra raisire kokutja mari rikwamba kotjiposa tji tja hungamisiwa Oisiraera hi mena rOisraera. Omerityakaṋeno nandarire Onamibia, kehi yOperesindenda yaro omuyaruke Onongo Hage Geingoba, tje ha vangere na kwekurura Ehi rOvandoitji nomasa ama tja: ‘oro tjiri kehi yoviṱukaungura tjingevyo mOnamibia oruveze rohuurire tji ra zepa Ovaherero nOvakwena Otjiṱiro Otjindjandja, tjiri kari na karisere kutja oro ndino ndi mari yandja oruvara kehi rarwe tjimuna Oisraera ndi mari rondorwa kOtjiṱiro Otjindjandja mOgaza. 

Nandarire kutja otja keningira ra South Afrika kutja Oisiraera ra sere okutwapo omirari vyokutja otjitandi tji mape ya atji twara kOtjiṱiro Otjindjandja. Ngamba otjombanguriro katji ya yandja oumune watjo mokutja otjitandi OtjiÞiro Otjindjandja. 

Ngunda ape ri nao Onicaraqua opu yeeku ritjakaṋena motjiposa tjingetjo wina okurondora Ehi rOvandoitji kutja mokuvateraro mai yandja ohambwarakaṋa kOtjiṱiro Otjindjandja mOgaza tji tji kayendisiwa Oisiraera. 

Omeritjakaṋeno ngu maye munika omanahepero tjinene mokuyandja omasa keningira ra South Afrika na wina mokukahurura ongurameno tjimuna yEhi rOvandoitji yokuyandja oruvara kOisiraera ngunda amai rondorwa komatombero womazeva wotjombanguriro tji ngunda aye ri omerizirira wouṋepo auhe mOnḓuvasaneno kutja ai ha tombwa. 

Otjombanguriro ngunda katjayandjere oumune watjo motjiposa tja Nicaraqua kunEhi rOvandoitji.