Ministeli zekungo nsitwe noudinguli ngesi zina gava omu navatwara yimpanda yokusika ko 60 ponze zosirongo pomundinda gomuntu metwaromo simaliwa mvhura ezi. Mepuragero gumwe nosayitunga zaNampa, momandaha gana puko, ministeli muhuyungilipo gwazo Romeo Muyunda, katente asi 47 yimpanda ngesi vana yirandesa kosirongo saZambia ano 13 kwayirandesa kosirongo saAngola.
Muyunda katente asi epulisiro eli lyoyimpanda 47, kwaligav komuntu mundinda gwendi ogu gatokora asi kuna kudirukira age ko Zambia. Muyunda simpe katente asi ministeli kwagava npmbapira pulisiro dokugava yimpanda eyi yoyizera yokutunda kosirongo somaparambo saSouth Africa komuweki gopaumwene, yimo ngoso ana kutanta. ‘’ Ose kapi tatugava asi yimpanda oyo mulyo gwayo ngapi morwa kapi tokara nongesefa zangoso. Apa nye kakahuyungire posilika sokudiworoka yimpanda mezuva lyouzuni, moEtosha National Park, ministera goumunisteli Pohamba Shifeta katente asi ava nye vakara asi venya yimpanda ndi asi elikwamo lyangesi, kwalitulisapo mo 1993, omu vatura yipo vakare nokudidilika sivaro asi vadive asi yimpanda yingapi vana kara nayo moNamibia.omu nye navapulisira owo womavango omu yina kara yimpanda vayiweke ntani vakare kuna kuyikeverera nawo vene vagwanenemo mauwa. Nampili ngoso yimpanda yoyisovagani kwakara asi yepangero, nye veta zapulisira kwava vana kara nevhu mokuturamo mahundiro vavape yimpanda eyi yoyisovagani vaweke.
Kutunda nye tupu metarururo lyenene, uministeli una mana nye kutara ekeverero nalinye matjiliso ntani omu nayikaparuka, makura kupulisira nye owo vana yiweke vatulisepo elizuvho kumwe nominiteli, makura vatameke kuweka nokukunga yimuna yangesi,’’ yimo ana kutanta. Age katente asi apa nye ngesi, yimpanda yoyizera moNamibia kuna kara nye asi kuna yiweke pamundinda ntani paepangero, nkenye ogu pwamwene, ntani pevhu nye lyepangero, nokugwedako asi Namibia yiso sirongo sauvali mokuweka yimpanda yoyinzi yoyizera mouzuni kukwamako South Africa. ‘’ Yikorama eyi kuna kara ngesi asi kuna kulivhukisa ntani ngesi kuna kutunda nye kweyi yina kuwizamo ndi tuna kugava makura twahepa kuyikeverera. Yimo ana kutanta Shifeta. – Nampa