Omauezonjanda - Epukiro, oro ndi tjiukwa otjehi rOvambanderu noruhapo, nandarire kutja ombura yaroka nu apehe pumoyata no ku tara oruhapo, omayuva wo ma suviro ngazuko Omauezonjanda akehe kari okaserandu.

Tjandje tjimuna Jerusalema tji tja hitirwe nozohiva no zo ngoma,  Omauezonjanda kahitwa no zo trupa zopehi no zo koukambe. Tjinga ovimbumba omahi nomahi avya herukire ouyandja ondjozikiro oseinina ko Ngenerara Fieldmarshall Festus Majora Kamburona werapi rOtjiserandu. Oritjatano tjandje poya Tjimana pautu okuseta ovimvumba tji ma viutu okuheruka. Nganduu, ko Oroviungura naindo' Sondaha orini rombakero, ndiri wina eyuva omuyaruke nda tjirirwe ameya okuza komukutu ku Hauronganda, eye kawirire tjiyari 8 komweze imbwi. 

Otja kongaro onÿeu nambano yo Covid-19, Majora  wa ya takanene uriri pomuvanda wao wa Tjimana tja Tjandara Omukwatjiti.  Ondangere yo ndwa, Katjivekara Hoveka, pe mu yakurire pezuko rao ne mu hepura kovaÞi no vakuru kutja uri mondjira me ya kuwo, notjikando ihi mee kukarerera punawo.  

Tjazumba otji ve mu kumukisire mokuti kEtjo rOzombangaøe rondwa indji.  Oroviungura ondari eyuva enene ro zo mbinika peke peke, muzo mu mwari zerapi rOtjiserandu. Ovanane ondomba yerapi okuza kotukondwa notutavi peke peke mapeta ya Roviungura veri tupukirire orutuu rwo vi tjitwa oruveze roharive indo tji rwa yandjerwe kuwo. Oyo ndja nanenwe iyo serekaze Ongenerara Fieldmarshall yOkehi Marenga.

Otjozombuka keÞupa ouøepo wOtjiserandu  wa wirire komuhona wao auhe otja tjee mu tjimu tjivirwe ama hununa ko okahununa ke ko ngombe onduuombe indji. Ongombe onduuombe ape ozombura omurongo vitano no tjihupe ndji ya kara merapi. Ayiungurire ro no ku ripunguhira ro no kuhina okuurwa poo ombimbo kaaøi nu nou pupurukwe no meri susuparekero. 

Nangwari tjandje erapi indi eye nderi punguhira na panÿere puro, ratia kutja ondjambi ye iri me yuva eye nda rara. Apehe pu ma suvisiwa, Okahandja ka Kahandja, Omauezonjanda ka Mauezonjanda, ondengero aihe okuura yerapi mave mupe otja tji ve mupere.