Okakarara –evhu vana kugweura kuna kuna kureta magano peke komukurona godoropa zaOkakararamomukunda horowero Otjozondjupa, mukurona godoropa Asnath Jazukuka yimo ngoso ana kutanta. Jazukuka, konontere katente asi Okakarara trade fair, mokutantera NAMPA nkera asi nampili ngomu tuna kumona asi doropa kuna kukura, kuna kara asi konyara vantu wokusika ko 1 500 vatungimo kapi vana kara nevhu lyavene makura awo vana kara nye negano asi ngano vahokone evhu kononkondo lina kara asi kwato ogu ana karapo, omu vana hara asi vakadikepo mambo gawo.
Age kayizeresere asi doropa kuna kara nomavango gatatu aga vana tura asi gokutunga vantu, omu gana kara asi Okakango, eli lyakara asi kwaligaununa pavali, Old Barmenside , oku vana kara vantu wokusika ko 300 vana turapo nare mambo gawo, ntani Pinkhuis, oku nye vana kara asi vantu wokusika ko 200 vana tunguko. Ntani kolili hena evango limwe Oruindjo Romakuija eli lina kara ngesi mnovantu wokusika ko 500 oku nye vana kudika mambo gobuild together vakaremo vantu vetu. Nye dogoro ngesi kwato eyi yaza mouta wakora. ‘’ Evhu lyokugweura, kuna kara ngesi udigu wounene. Vantu sinzi sawo mwaza sirongo kuna kudukira kodoropa omu vana kuyadika mambo gawo, nye nampili ngoso, kapi natuyivhura asi nkenye gumwe tumudikire embo lina wapa.’’ Yimo ana kutanta.
Age katente asi ndango sinkwa ntani tupu kapi tulirepo elizuvho kumwe na NamWater omu nagava mema kovantu vana kara momavango ogo vatanta asi gokutunga, nye age kapi nye kageve uzera nawa nawa asi yinke nayikahoroka noyo vana kundindira kwankenye ruha. Age simpe katente asi vanayidiva asi vantu ow okapi vana hara mema gelike nye simpe kuna pumbwa rutjeno, nye age kapi nye kaziremo momunene morwa rutjeno kururugana Cenored, anpo dogoro ngesi kwato elizuvho lyongandi lyakarapo pokatji konombunga edi mbali. ‘’ Nsonso zetu ezi atugwana zokutunda kwaCenored ose kuyigava hena kwaCenored kweyi atupe rutjeno kovantu vetu womodoropa,’’ yimo ana kutanta. Posiruwo oso, kageve hena ruhafo rwendi asi annual fair kuna kugendapo nawa nokutanta asi doropa kuna kukura nawa momu yawapera nayinye. –Nampa
Yihuna…. Kuhakana evhu kuna kara udigu wounene moOkakarara. Efano: Nampa