Chairmaine Boois 

Mbunga zouzuni zakarerapo nondja mouzuni naunye, (WFP) Lithon projeka mugavi magano gwazo, Hardap vanadorongo ntani varugani moune una puko kavakere pevango limwe tupu ponze zaHardap evango lyovanadorongo omu kavambangiparere mbuto zokuhova vana kukuna ntani vana kutura paveta siruwo esi sokukuna sina kutamelka ngesi. 

Mokukwama Adriaan Grobler, mutoti ntani mukurona gendesi pamberewa Lithon, katente asi kuna kara sihorokwa sokuhova omu vana kukuna mouzuni, pomavango gepangero ntani mbunga nye zakarerapo nondja mouzuni kwagava projeka zangesi zikare megendeso lyawo.

 Mokukwama age Grobler, katente asi nomusunda dokusika ko 6.5 devhu kuka kukazagura nokugava mbuto zonondongo, katjama nomatanga eyi vana kumona asi tavakayigavera konosure ndi kukarandesa konosure ntani komavango nye aga vakara vanadorongo. 

Awo kwagwana nye epugwiso mvhura zina puko mwaSindimba nye ngesi vana manamo asi projeka ezi zahepa kuza moyirugana. Impact zaAfrika kwaturamo yimaliwa yokusika ko N$200 000 moprojeka zangesi. Ano evango nye ndi mberewa zovarugani wokonodoronmgo awo vagavalko nye emukarudipa lyawo ntani vana dorongo vahepa kurugana yipo projeka ezi zize moyirugana. 

Yimaliwa yokusika ko N$ 800 000 kavayiruganesa ntani kuranda ruhoho ntano nonzambi dowo vana kurugana ano eyi yokuhupako N$900 000 gavaranda nye nomulihu dokutekresa. Mukurona gwawo goprojeka ezi, zaWFP monomukunda ndi yirongo yokomuzogo, Menghestab Haile, ogu nage kakere posilika esi, katente asi Namibia kuna kara sirongo simwe sina kara nompito zongwa monondima ntani mauhwi gaso gomosirongo. ‘’ 

Ame kuna kumutantera asi mbuto ezi muna kukuna nayina, ntani mukaro nye ogu goukumwe muna kulikida hawe nomuhoko nadinye kuna kuyimona eyi yangesio,’’ yimo ana kutanta Haile.