Okanona komimvo ntano oka sile megumbo sho anuwa ka lika keyoka kokugulu, oshoka kakwa li pe na ohauto yoku ka fala koshipangelo.
Sha ikwatelela kepeko lyopolisi oshiningwaima shoka osha holoka momukunda Etope moshitopolwa shaShana Olyomakaya ga zi ko.
Otaku hokololwa kutya okanona hoka oka li ka tumwa kuyina ngoka e na okanona okashona, omunambo gohanona mondunda.
Anuwa okanona hoka kakwa li ka mono eyoka ndyoka sho ka yi mo mondunda, noka li ka lika kokugulu.
Otaku hokololwa kutya okanona hoka oka li ka kala megumbo, oshoka kapwa li pe na ohauto yoku ka fala koshipangelo, sigo ka hulitha.
Eyoka ndyoka anuwa olya dhipagwa, ihe opolisi inayi gandja uuyelele kutya eyoka ndyoka olyoludhi luni, nonando olundji momundhingoloko moka anuwa ohamu lopotwa omayoka goontoka.
Moshiningwanima inaashi faathana naashika, opolisi oya lopota aantu ya ikutha omwenyo ye li yatano momasiku ashike ge li gatatatu, nuumvo.
Opolisi oya kumagidha aavali ya kale taya sile oshimpwiyu aanona, oshowo oku ya pa omayakulo gomondjila nogomeendelelo okuhupitha oomwenyo dhawo.
– vkaapanda@nepc.com.na