Kakukutu komatanga gopolisi yaNamibia Inspector General Joseph Shikongo okwa holola elimbililo kombinga yeyako lyiimuna moshilongo, ndyoka tali indjipala kehe esiku.
Shikongo okwa li a nyenyeta ngaaka esiku kwa li a ningile aanafalama yiimuna koshitopolwa s h O m a h e k e o s h i g o n g i okukundathana nkene ye na okukandula po uupyakadhi wa taalela aanafaalama yiimuna moshilongo.
“Oshitopolwa shika shOmaheke osha ndhindhilikwa shimwe shomiitopolwa itatu yi li pombanda meyako lyiimuna okuza muJanuali sigo Okotomba nuumvo,” ta ti ngaaka.
Shikongo okwa totha mo kutya oshitopolwa shOmaheke osha ndhindhilikwa niipotha 255, taku landula oshitopolwa shaKhomas niipotha 74 oshowo oshitopolwa shaTjozondjupa shi na iipotha 451.
“Otandi kumagidha oshigwana shi hulithe po omukalo ngoka gokuyaka po iimuna yayakwawo. Kehe ngoka ta ka tsikila okulonga iilonga mbyoka inaayi uka, itaka silwa nando ohenda ihe otaka pewa egeelo lye lyu ukilila,” ta ti ngaaka.
Okwa kumagidha wo natango oshigwana shi kale tashi lopotele opolisi meendelelo uuna sha mono mboka taya longo iilonga mbyoka.
Aakalimo yomonooli nayo oya li ya nyenyeta ya taalela uupyakadhi wiimuna yawo tayi yakwa okuza kiigunda nenge uuna yi li kuulithilo.
Aakalimo yomiitopolwa ya yolooka yokoonoli otaya nyenyeta kutya iimuna yawo otayi yakwa po.
Taya ti, unene ohayi yakwa po kaanilonga Aangola.
Sem Shipanga gomoshitopolwa shaMusati okwa ti, oyendji oya kutu Aangola mboka kaye ya shi nawa.
Ngele ye ya momindhingoloko dhawo e taya shuwa mo nawa momundhingoloko moka, ohaya ka yaka po iimuna yawo. “Otatu kanitha iimuna noonkondo, ngele oya pitithwa moAngola ihatu yi mono we, ihe ondi wete kutya uupyakadhi oongamba ndhoka dha weya pokati kaAngola naNamibia,” ta ti ngaaka. Shipanga ta ti sho ya kala nale omimvo dha piti, oongombe nando odha ningi ethimbo dha kana, ohadhi ka monika oshoka omo dhi li moshilongo, ihe nena ngele odha kana, ihadhi ka monika we, oshoka moshilongo odha hingwa mo.
S h e e h a m a N e l o n g o gomomukunda Omapopo okwa ti uupyakadhi wiimuna tayi kana owu li apehe.
Yamwe ohaya ka landitha kaadhipagi yoongombe, haya landitha oonyama omanga yamwe haya pititha okuya moAngola.
“Shika otashi tu teya omitima. Tse katu na mpoka hatu longo ihe otwa ikolelala ashike moongombe,” ta nyenyeta ngaaka.
vkaapanda@nepc.com.na