KEETMANSHOOP- Vatungimo modoropa zaKeetmanshoop momamdaha kavapongere pamwe mokutemesa noramba nediworoko omu gakere asi Presidente Hage Geingob. Ava vana kara megendeso yewapako kavakeremo wondango zodoropa zaKeetmanshoop kavakere mokudiworoka, omu kavamudiworokere mokugava nombudi doruguwo vana kugava kwamukadendi Monica Gengos, vana, nekoro nalinye ntani muhoko nagunye. Ogu kahuyungire posilika oso, musita Andreas Biwa kahundira vaNamibia valikwate kumwe, tukare nomukumo mokutwikire mukaro gwaHarambee.
Age katente asi vaNamibia vahepa kulirongera mweyi yakuhoroka ngesi mokutwara egano lyendi komeho nokuza komeho. Morwa age kwakere muntu govantu, ose ngesi twahepa kutwara Harambee komeho. Ose ngesi kuna kuza nye momukara dona tuna pilire kudiva, twadiva oku twatunda nye kapi tuna diva oku tuna kuza,nye twahepa kudiworoka asi Namibia gumwe, muhoko gumwe. Yimo ana kutanta Biwa.
Kansela gondango zaKeetmanshoop, Annalise Knouwds katjangwilire nakufa Presidente Geingob asi kapisi asi mpitisili tupu, nye kwakere asi mugavi magano, muntu gakara noudivi, ntani gumwe ogu gakara asi kwahara kugusa vantu vakwawo moruhepo.
Age katente asi ngo nkarapamwe zaKeetmanshoop, kapisi vakare tupu vana kulira morwa presidente ana tusigi, nye twahepa kupandura asi ezi yizo mvhura gatura asi zokmudameka ntani twahakara mowoma yipo asi tuwapukurure muhoko gwetu paeparu. ‘’ Ose twahepa kudiworoka mukaro guna kara asi goudameki, omu presidente gwetu katusigire gayilikida yiruwo yoyinzi, apa atukara asi kuna kugwanekera nomaudigu, egano lyendi lyoukumwe, ehetakano ntani ezo komeho yahepa kuyitwara komeho, moomu tupu nye tuna kuza komeho nokutwara eyi ana tusigire,yimo ana kutanta.
Geingob ogu gakere asi presidente gosirongo gwautatu, kadogorokere nonmvhura 82 mosondaha. –Nampa