Otjomuise-Makuzu tji mo teza omize vyo tjirwa tjongutukiro ya Namibia moi kehi tjimuna o South Africa otjira tjo porotika ihi o African National Congress tji tja uta otjirwa kuno otjihoromende tjombangu yo tjivara yo tjira tjo porotika tjo zo mburu itji o National Party.
Mo 1952 o ANC otji ya sembamisa orukosi rovature ovazoozu oku hino' kuzuva no kwiitavera kozoveta no mazeva wombangu wo horomende yo mbangu yehi indo oruveze indo. Ovahongwa ovakwatera va Namibia oku va katoorera otjivepo tjongutukiro. Aveutu orutu rwo va hongwa va Namibia mo South Africa, o South West African Students Body (SWASB) no muyaruke Jariretundu Kozonguizi otjo Peresidenda yayo no mu yaruke Mburumba Kerina otjo mu tjangerepo omunene.
O SWASB nandarire kutja tjinene yari mokati kovahongwa, oyo ondja kuna ondwii yotjivepo tjo tji rwa tjongutukiro tji tja kaingama movira vio porotika. Mo 1955 o SWASB airier o South West African Progressive Association (SWAPA) kehi ya Uatja Kaukuetu, oyo ndjauta okuhungama kotjivepo tjo tjirwa tjonguturiro yehi. Okuza mo 1956 omuyaruke Kerina otja hindwa iyom,bara Otjitambi yOvaherero oruveze indo, Hosea Katjikururume KuÞako nu kombunda kuye aku kerikwamba Jariretundu Kozonguizi.
Omuyaruke Kerina ongwa yandjere ondunge yo kutja o Ovamboland Peoples Organisation (OPO) oyo ndja tengerapo o Swapo, irire o Swapo mena ro kutja kouye wo pendje kari tjandje ouzeu okumuna ozombatero nena rayo ndaa riraisa kutja oyo muhoko umwe uriri. Mu Ngarano mo 1960 o OPO ai rukururwa o Swapo.
Peter Katjavivi, Brian Bassingtwaithe na Ferdiannd Meroro tji va taurira ko Tjauana tjazumba ave vanga oku kapita komurungu posia ave kamburirwa oruveze indo ndari o Southern Rhodesia, ndino o Zimbambwe, va kondjisiwa oku kotorwa ko Namibia, umwe wao mu mbakondjera po Mihoko Omikutasane kutja ave ha korotwa ko Namibia yari Kerina. Ave uarurwa ko Tjauana na veisiwa.
Imbwi ounyoko uriri wo viungura vio muyaruke Kerina ngwatire Omandaha mOtjomuise nozo mbura o 89. Otjiuru tjEhi, Hage Geingoba, nOmuhaamise wOmbongarero yOtjiwana, Peter Katjavivi, ivemwe vaimba mbe mu pe ondjozikiro otjo mbangaøe ya katjotjiri.