New Era Newspaper

New Era Epaper
Icon Collap
...
Home / Kira zokukwateramo sivatere udigu tuna kara nawo

Kira zokukwateramo sivatere udigu tuna kara nawo

2021-07-15  Eveline de Klerk

Kira zokukwateramo sivatere udigu tuna kara nawo
Top of a Page

WALVISBAY -Vanangesefa vatunga moBaye kavatulire mosirugana sibvike esi mokuvatera udigu ou yina kara nayo yipangero yepangero kuhamena nokira edi dina kara asi kapoi vana kuvhura omu nava rugana morwa sivaro sovantu vana kufa komukisi gokorona modoropa zina. 

Vana ngesefa ava kuna kuvatera epangero, awo kava tjindjire evango eli alitendeke nondja likare kira nalikara asi kuvhura kuturamo yimpu yina siki ko 50 modoropa zina. Yiruganeso eyi kuna kara yokusika komukoso gokusika ko N$200 00, awo kavaligeve nye evango eli koministeli zoukanguki momandaha. 

Ogu kakere gokukwateramo mukurona gouhaku, mosipangero sina sepangero moWalvisBay Dr. Augustinus Gawab katente asi awo navatwara nye yimpu yimwe koSwakopmund kokira morwa evango lyawo lina nunupa. ‘’ Eyi nayikwafa unene morwa awo pwanare kwakere tupu nokira zokupungura marutu murongo ntani ntazimwe kugatura moyiplastika yoyinunu ‘’ yimo ngoso ana kufaturura. 

Apa nye kakahuyungire pegawo uhwi ou, mukurona pamberewa CEO Heritha Muyoba, mokukwateramo vanangesefa, katente asi awo kuna kara nositambo sokuvatera epangero, unene posiruwo nye esi souvera woCovid-19. 

‘’Ose kavatutanterere asi eyi yiyo vana hepa unene. Ose katugwene yiruganeso nye yiyo katugwene evango lyokuyitura omu muna kara asi kuvhura kuyiruganesa dogoro yita yetu eyi noCovid-19 yina puko,’’ yimo ana kutanta Muyoba. 

Nguuru gomukunda Niville Andre kageve ruhafo rwendi kovanangesefa omu vana lituramo vavatere epangero mosiruwo sina kara asi sohepero. 

‘’ Ose kuna kungambapara kweyi yina kuhoroka omu sivaro soCovid-19 sina kukanduka noyiruganeso. Twahepa kukara asi kapi tuna kuyihafera eyi sivaro sina kukanduka ntani vava nye vana kukondera moyipangero. 

Erago unene asi ose nare kwarugana nawa moyiruganeso ndi matungo unene apa gakere Baye asi yige ana kara nomukisi ogu momunene omu twatuliremo matungo gokukwateramo omu twatulire hena mavango gokusikameka mahauto gakare nonzugo dokurara. 

Mokupira nye kuyihafera, yihepwa kuna kuv huka, makura kapi nye yina kumoneka tupu nawa twahepa kuturapo nonkambadaro dowo vana kutusiga morwa Covid-19,’’ yimo ngoso ana kutanta. 

– edeklerk@nepc.com.na


2021-07-15  Eveline de Klerk

Share on social media
Bottom of a page