Iuze Mukube
Vakarelipo vadinkantu monomberewa dapamukunda kuna kuvahundira asi vahepa kudiva asi yinke vana pumbwa vadinkantu, unene yina kupitira momagwanekero pampepo, ntani unene kuruganesa maraca gawo monongodi eyi vana kutara unene asi mulyo kovadinkantu yipo asi vaharuganesa yimwe yondiro.
Eyi yiyo yimwe kayitundiremo medeuro eli kavakere nalyo unene ava avarugana monomberewa dovadinkantu monomukunda horowero nadinye omu vana kugazara asi yigo mukaro gomuwa kukeverera mavango vadika asi govadinkantu. Eyi kwayiwapayika wombunga vana kutumbura asi “One economy Foundation’s Be Freemovement, kumwe neruganeno kumwe noministeli zovadinkantu.
Eruganeno kumwe eli kwalitulisapo mokutura asi vadinkantu vakare vantu vana diva eyi vana kurugana kukwama eyi zatura ministeli asi yina kara mpumbwe, omu vana hara asi vahepa kukara nomalikwamo gana yuka aga nye naga kara pomavango govadinkantu. ‘’ Ngovantu aturugana ponomberewa dovadinkantu twahepa kukara asi ose vamwe aturugana novadinkantu unene pomavango aga vavadikira mwaza sirongo monomukunda horowero daNamibia, edeuro eli kalidemenene unene kuvapa magano asi ngapi omu navagendesa mavango aga vatura asi govadinkantu,’’ yimo ana kutanta mukurona goruha romagwanekero go ‘’One Foundation, Ileni Hitula. Yihuyungwa yimwe kayikerepo kuna kara asi kugendesa mavango govadinkantu monaruwa, kutulisapo malikwamo gekuliko, omu natudiva magano twaromo asi gahepa kuretapo marunduruko; ntani kudiva nye omu navagendesa malikwampo gepisuro movarugani veme pangero. Elikwamo eli kalikere ;lyewa omu vanamberewa navenye womonomberewa dakarerapo vadinkantu monomukunda horowero nadinye 14 kavalihamesereremo, gumwe gwawo kakere asi nage gokugava sihuyungwa kakere mukurona pamberewa moministeli Lysias Haudiwa ntani David Gawaseb gomomukunda horowero Khomas ntani Panduleni Nghipandulwa ( ogu kakere asi gumwe ana kupitisira gevango lya Ingenious Consulting Services).
Konyima nye zelideuro, varugani nye ava womonomberewa kuna kara asi vahepa kudiva nye eyi vana kutura moyirugana ntani vadive nomukunda dawo, nokutulisapo malikwamo aga naga ninkisa asi vadinkantu vahalizuvha asi kwato eyi vana kurugana nye vahepa kudiva nayinye yina kuhoroka pevango. Varugani navenye kavakere nye pelideuro eli kavagwene nonzapo, ngesi kuna kuvandindira asi vakature nye mosirugana kweyi kavalirongere monomukunda dawo. Omu muna hamene kukara nomalikwamo goponongondi, ntani vahepa kurugana unene mompongasano ozo avaruganene.
Pokuhulisa, Hitula kayididilikire asi eruganeno kumwe nare lyakarapo pokatji ko BeFree movement ntani MSYNS kupitira mo #BeFree Youth Campus moVenduka . nampili ngoso, edeuro eli kuna kara asi lyokuwapukurura eruganeno kumwe pontambo zomukunda.