New Era Newspaper

MTC Shares
Icon Collap
...
Home / Kuligusira evhu kononkondo kapisi kwagusapo udigu

Kuligusira evhu kononkondo kapisi kwagusapo udigu

2021-08-05  Loide Jason

Kuligusira evhu kononkondo kapisi kwagusapo udigu
Top of a Page

Nguuru gomuknda Khomas Laura Mcleod-Katjirua kahundilire vatungimo mositata asi egano eli lyokuhakana evhu kapi lina kara ewa, morwa kuna kuyiomona asi nayizonagwisa elikwamo lyekuliko mositata. Mcleod-Katjirua katanterere sayitunga zaNew Era momapeu gana puko posiruwo sooso age katente hena asi yousili elikwamo lyokugavera evhu kuna karapo malirango unene, nye yahatwaredera vantu vatameke kuligusira evhu kononkondo.

 Moutano pita, vantu wovanzi vatungimo kavagogomokere komukunda gwaTobias Hainyeko kono vili 06h00 vakaligusire vene evhu. Evhu ngano nokulihokonasi moomu ono harere. Udigu kuna kara asi vantu kuna kugusa evhu olyo vatungepo nye evhu olyo kapi lina kara noyiruganeso ngwendi mema norutjeno nayimwe eyi gapumbwa muntu makura konyima awo vayatante asi tuna hepa yihepwa yangesi,’’ yimo ana kutanta ngoso. 

Ose kuna kuyimona asi kugavera evhu maranga gana karapo nye kapi yina klutanta asi vaze nye vagweure evhu moomu vana hara. 

Kuna kuretera ava vana hara kuwapukurura evhu olyo udigu wounene. Age katente asi evhu mositata kwahamena ndi venya lyo ndango zegendeso sitata, makura vantu vahepa kugavako siruwo yipo ndango zositata ziwapukurure evhu pwahana kukara madonganeso nkenye melikwamo eli. Ndango zodoropa zahepa kuhingira vatare asi ngapi navagusapo evhu eli vana hepa vantu. Vantu vahepa kundindira vavape evhu kukwama ngendeseso zakarapo nomukaro gomuwa, nye yina pumbwa vagwane mpito zokugusapo udigu ou wevhu,’’ yimo ngoso ana kutanta. 

Age kuna kuhundira asi vantu vahagusa evhu morwa vakagwanenemo uwa, nokutanta asi kwato ogu vapulisira erandese evhu eli, lina kara asi simpe kapi valiwapukurura ntudi ndango zodoropa. 

Kansela gwaTobias Hainyeko, Christoper Likuwa, ogu vana kugazarera asi yige ana kara konyima zoivantu ava, kakandwirepo nonkango odo, nokutanta asi age kwato katanterere asi aguse evhu pwahana asi paveta. ‘’ Vantu owo vanzi, kukwama omu vanalitjanga, age nina gwana koMukwanangombe ago gana pitakana 2 000 vana lihamesere mehakano evhu. Ngapi nye nanilihameseramo mokutumangeda vantu navenye owo asi vahakane evhu? Ame kapi nina kara negano lyokurugana ngoso. 

Ame nkenye apa kuvatantera asi vaharugana yangoso. Mokupitira moge, ame kuna kuvahundira vatante asi vana kara noumbangi yimo ngoso ana kutanta Likuwa. Posiruwo sooso Likuwa nage kahundilire vantu owo asi vahepa kuhageka yokuhokona evhu vayakwame nongendeseso edi dakarapo. Eyi kapi yina kara asi kuna kugusapo udigu wevhu. 

Nsene asi tomuhokona evhu, kukwama ko matengeko gomanene. 

Age simpe kahundilire ndango zositata asi vahepa kugenderera mokugusapo udigu ou wevhu. Awo vahepa kutunda monomberewa vayamone vantu ava. 

Vantu vanazumbanesa ehuguvaro ntani ndango kapisi yizo zina kupangera. Vahepa kuruganesa vaporosi yipo vahageke udigu ou wokuhokona evhu, yimo ana kugwedako. Vatungimo nye kavahuyungire kosayitunga zaNew Era kavatente asi awo kapi vana kara nomavango gokurara, yiyo yina kuvaninkisa vaguse evhu. Ose kuna hara evhu, kapi ngatuhageka dogoro mo 6 Siwogedi,’’ yimo vana kutanta vatungimo ava kavanyokere kulitumbura. 

Mukurona gositata Job Amupanda katente asi ndango ntaantani zihingire moomu mwaSiwogedi  valiyonge mukaro gwevhu mositata. 

- ljason@nepc.com.na


2021-08-05  Loide Jason

Share on social media
Bottom of a page