Okukauturura otjihungiriro tjOtjiṱiro Otjindandja omatokero wakatjotjiri, Operesindenda Nangolo Mbumba, ma tja.

Wa raerere ozombara zOvaherero nOvambanderu nao Oritjaine nda zuko tji va hakayenene na ye meningira razo okuhungirira kOtjiṱiro Otjindjandja nondjira komurungu. 

“Matu yenene okukwekurura varwe mbi va heya poo mbi va tjanga posi ya kamaatu yenene okuyaruka kouriri,” Mbumba ma tja.  

Na weza ko kutja owo va ungura notjiṋa hi ku nOvandoitji okuza komananeno wa Hifikepunye Pohamba, eye ngwari momberoo ape oure wozombura muvyu nḓa kapita. “Tji tjiri kutja ami ngu mbi nombura uriri okukauta nokuworonganisa kangamwa auhe, tjiri hi nokumuna kutja mape yenene. Ovandu varwe mbu mave ya komananeno veri kamwaha okutupuka na tjo.”

Komurungu Mbumba ma tja u kambura kutja ovakuramenepo vozondekurona ozombara nu nguari kawo mberi moporotika mbe runga moviṋa vyarwe ombu maveso oku tunduuza otji¿a itji. 

“Eṋe mwa za komuze mbo nondimwa yovita, nondjuriro.” Ngunda ape ri nao Mbumba ma tja ke nokumuna kutja mape sokurira ouzeu omayuva tji ye ri 28 ku Kambundu okurira Eyuva rOtjiṱiro Otjindjandja kotjiveta ndoovazu kape novandu mbe nouzeu na wo. 

“Pe novandu varwe mba yandja ondunge yomayuva yarwe. Posi ya ndoovazu inga oomayuva nga yakurua i yovanane vombazu avehe hi nokumuna kutja ouzeu ounene,” Mbumba ma tja. 

Ombara Onene Manasse Zeraeua, otjorupa rworuhindo rozombara nḓa hakayenene na Mbumba, wa temenue momurumbu wa Mbumba  kutja hapo ouzeu u ri pi ohoromende okuraisa eyuva ndi mongoramambo yokotjiveta yohoromende otjEyuva rOtjiṱiro Otjindjandja tjinangara oro ra yakurwa rukuru i yOmbongarero yOtjiwaṋa. 

Nemutoko kutja nambano tja sewa ku ye okutwako omunwe kembo kuro kutja mekuruhungi ku kaze eye ngwa tjita nao. Na tja ohoromende tji ya tjiti nao ozondekurona nouye mau munu kokutja nangwari oyo ya kambura nu i tjinda epu rOtjiṱiro Otjindjandja komutima nu nokuhina enyando.