New Era Newspaper

New Era Epaper
Icon Collap
...
Home / Lisebelezo zaNdu yaMilao zayemiswa

Lisebelezo zaNdu yaMilao zayemiswa

2021-07-12  Staff Reporter

Lisebelezo zaNdu yaMilao zayemiswa
Top of a Page

Mubihi waMutende

 

Kuina kwaNdu yaMilao kone kulibelezwi kukalisa viki yefelile, kuisizwe kwanako yakwapili yene sika patalazwa bakeñisa kuyekezeha kwabutuku bwaCovid-19 mwanaha. Sibuabui mwaNdu yaMilao David Nahongandja naize taba yeo hape neezizwe bakeñisa kuli buñata bwalimembala baswanela kupotela likiliti, ili taba yekona kuekeza palo yababa swalelwa butuku. “Ndu yaMilao ilakaleza bayahi banaha Namibia kaufela kuzwelapili kulatelela milao yetalima butuku bwaCovid-19, nikuekeza mwakulwanisa butuku,” nekubulezi Nahongandja.

Zeo halili cwalo kakokwani kaCovid-19 kakayambukela kakuankufa nikubulaya kapili, kakazibahala kaDelta nekanyatezwi kuli kase kakeni mwaNamibia. Nekaswelwi mwalitaba ze17 hala ze18 zene tatubilwe kisikolo salituto zepahami sanaha Namibia (Unam). Kukala la 3 Sikulu kakokwani kaDelta kase kafumanwi mwalinaha ze98 mwalifasi loote, mi kasweli kuyambukela kabubebe. Batatubi bamakete babulela kuli kakokwani kao kayambukela kabubebe, habeli hakubapanywa nitukokwani totuñwi twakorona.


2021-07-12  Staff Reporter

Share on social media
Bottom of a page