Marythar Kambinda

Mapokola basikiliti sa Zambezi neba tatekile mungendenge wakulwanisa bubangoki Labulalu mwa Katima Mulilo. Mungendenge nokalezi mwakomponi ya Choto mi ukazwelapili kuisa la 30 Sope 2023, mi ungelezi ni limembala za sipokola mwahae. Hane abulela kanako yakutateka mungendenge yomuhulu wasipokola mwasikiliti sa Zambezi, Andreas Shilelo, naize mungendenge notahile bakeñisa kuli bubangoki bubonahala kuekezeha mwakomponi ya Choto. “Bubangoki bwakutuba mandu bupahami mwakomponi ya Choto, kacwalo lukaya munyako ni munyako, hamoho cwalo ni komponi ka komponi,” nekubulezi Shilelo.

Naekelize kuli mungendenge ubata “kuba nikutwisiso yasicaba, nikuli kiñi bubangoki habubonahala kuata, nikuli buezahala cwañi. Kacwalo luna nikuambola ni sicaba, kakuba utwisisa kuli kibatu babacwañi, babapila mwa Choto ni likomponi zeñwi. Ikaswana yaba kuli kuna nibatu babasazwi mwasikiliti mo babapila mwa Choto ni likomponi zeñwi, babaipata mwalikomponi, kona mwalibaka moluka babata,” nekubulezi Shilelo.