Presidente Nangolo Mbumba kahundilire vaNamibia natuvenye asi twahepa kulituramo mokurugana unene, ntani twahepa nye klutamununa mukaro gwetu gokukwaneka ekuliko kwankenye gumwe, omu nayiukara asi kwato ogu nalizuvha asi vana musigiko.
Age kageve mbudi ezi montumwaraka ezi mokudiworoka ezuva lyediveta lyetu mo 34th moutano una puko, nokutanta asi ezuva lyangesi kuna kuhoroka posiruwo nye sosidona omu presidente gwetu katusigire Hage Geingob, ogu gakere asi musipundi zondango zokutjanga ediveta ogu gayakere hena asi mwenya ediveta lyosirongo.
Mbapira ezi zina kara asi zosirongo esi, kuna kara asi zimwe zina kutupa omu natundja egendeso lyepangero, eyi vaNamibia kavakere nombangi mezuva olyo kadihorokere nomfa mo 4 Murongankuru 2024.
Ose kuna kutudiworokesa nouyinyami nzira ezi twagenda ose kwagenda mepitisiro lyendi ngokukara asi munasi[undi sondango ezi zatjenge ediveta ndi mbongarero zokuhova, yige nkuru ministera gokuhova ntani presidente gwautatu mosirongo setu sokumanguruka saNamibia.
Yousili eremo lina tugwire ose ngovaNamibia tuna kara asi muhoko gomukumo.
Ose ngesi tuna zumbanesa ependa lyetu, ogu gakere asi murwi ntani gadiva asi yinke narugana nomunarugana kukwama ediveta.’’ Yimo ana kutanta. Mukurona gepangero katente asi mokudana ezuva eli lyokudiworoka ediveta lyetu, vaNamibia natuvenye twahepa kuhafa morwa mpora ezi tuna kugwana ntani sirongo sosiwa, eyi vana kutjangurura nomuhoko dononzi mwaza sirongo. Namibia sirongo sina kara noudemokoli una wapa, nepangero lina kwata moyitji nokudiva untu womuntu ntani uhyungiro wendi sirongo sompora ntani kuna kuza komeho mekuliko.
Ame kuna kudiworokesa vaNamibia natuvenye asi sirugana sina kara komeho ekuliko, nounkurungu utwikire.
Moomu tupu tuna kudana ezuva lyokudiworoka ezuva eli lyawiuzire ediveta mokuliruganesa, yipo asi nyamwetu twahepa kulituramo unene, turuganene kumwe, nompora ntani moomu tupu yawapera peveta kwana tuvenye, yimo ngoso ana kugwedako mpitisili gosirongo saNamibia. -Nampa