Musali yana tamilwe Lasunda viki yefelile kakunata mwanahae walilimo zesilezi, nahanezwi kulibelela muzeko wahae kwande, hane abonahalile mwa Khuta ya Katutura Lamubulo. Hane abonahala lwapili fapila muatuli yomunyinyani Johannes Shuuveni, yanyaziwa yasakonwi kupatalazwa bakeñisa kubata kubukeleza mwanana, nalemusizwe kuli mubuso uhana kuli alukululwe kuli alibelele muzeko wahae kwande. 

“Mubuso uhana kuli alukulwe bakeñisa butuna bwataba yatalimana ni yona, kakuli akaswana ayo eza kezo yeswana, mi hape sicaba sitalimezi kuutwa taba moizamaela,” nekubulezi muzekisi wamuuso Tatelo Lusepani. Kono khuta nemulemusize kuli usakona kukupa simubuso kuli alukululwe. Bazekisi bamunyaza kamulatu wakunata, obaleha nimulao wabubangoki bwa mwamabasi. 

Zeo lizwelela kwamaswanisoane aile ñuwa famakepe asicaba, teñi nabonwi anata mwanana.  Mwamaswaniso nabonwi alimbezi mwanana yana sweli kulila fabulilo, nikunopa sipatapata nikukala kumunata. 

Azwela pili kumuswala mwamumizo kamazoho amabeli mi amulimba nikuzwelapili kumunata. Sibuabui wasipokola Kaunapawa Shikwambi, naize kezo yeo ne ezahalezi mwalikululu la Lucia, mwakopmoni ya Greenwell Matongo, mwa Windoko. Taba ne isizwe la 10 Yenda kulumelela lipatisiso zamapokola kuli lizwele pili.