Ehangano lyokwaandjaneka omawi mombepo (MTC) oshowo ehangano lyokwaandjaneka omalusheno miitopolwa yokoonoli Nored, oga shaina etso kumwe lyuukumwe, Etine.

Omukuluntu gwoNored Fillemon Nakashole okwati, onkatu ya kuthwa komahangano ngoka gaali oyina uuwanawa owindji, okuhuma ko meho oshowo okuningila aayakulwa yawo omauwanawa.

“Omahangano getu kagiili ko kule miilonga,  oyindji oyina ondjila yimwe onkene ompito ndjika otayi tsukumwe no tayi hxahxameke onkalo ye humokomeho ombwaanawa,” Nakashole ta fatula ngaaka.

Ta ti, ookasitoma ndho lusheno ondho ngaa okasitoma dho makwatathano gopangondhi. 

Ookasitoma ondhi hole omayakulo omawanawa, onkene Nored ota tsikile okugandja omayakulo gongushu kookasitoma dhe, shoka natango otashi ka hwaxwamekwa kelongelo kumwe ne hengano lyoMTC.

Nakashole okwakwashilipaleke kutya uukumwe ya tulapo po kati komahangano ngoka gaali, otawu ka kala wuna ombili nelongelo kumwe kaa kuna we.

Omukuluntu wiliki mendiki lyaMTC Licky Erastus okwati, Nored ehangano limwe lyina uukumwe uuwanawa, wa kala  tau ulikw kiilonga tali longo, onkene oyena okunkondopaleka uukumwe po kati kawo.

“Omauwanwa oshowo eyambulepo lyomonakuyiwa, unene kombinga yopaungomba otaga xwaxwamekwa nawa uuna omahangano ngaka
gaali taga longele kumwe,” ta fatulula ngaaka.

Erastus esiku ndyoka okwa popi ta ti, ehangano lyawo olyina okulonga neitulemo okukalekapo uukumwe uuwanawa po kati komahangano ngoka gaali.

Natango okwatothamo kutya ehangano lyokwaandjaneka omalusheno olyo lyimwe lya longo no ta li longo oshilonga sha simana unene kiitopolwa oyindji yokonooli.

“Mpoka pena omakwatathana gwopangondhi, opena okukala pena olusheno. Omahangano ngaka gaali otaga kalongela kumwe okuthaneka onakuyiwa ombwaanawa mo mikalo dha yooloka,” ta popi ngaaka.

Ta ti, otaya kwashilipaleke ookasitoma adhihe dho mahangano ngoka gaali kutya otadhi ka mona omayakulo omawanawa okuza melongelo kumwe lyomahangano ngaka gaali.

vkaapanda@nepc.com.na