New Era Newspaper

Icon Collap
...
Home / Mukurupe, munonagona kavamukwaterere kononkondo

Mukurupe, munonagona kavamukwaterere kononkondo

2022-01-13  John Muyamba

Mukurupe, munonagona kavamukwaterere kononkondo
Top of a Page

NKURENKURU - Vaporosi momukunda gwaKavango zoutokero moune kavakwete mugazarerwa ogu vana kugazarerwa asi kakwaterere mukurukadi gononkondo akare nage kumwe panyama momukunda gwaZigizi momandaha, 3 January. 

Eyi kayihorokere konyima tupu opo gono mvhura 85 kayizuvhikire asi kavamukwaterere kononkondo pomukunda gwaSarukwe momukunda horowero gumwe tupu. ‘’ Sihorokwa esi kasihorokerere pomukunda Zigizi momandaha kongurova. 

Kuna kuzuvhika asi mugazarerwa kakweme munyandi monzira zendi zokuza kembo opo age kuna kutunda kombaha. Makura kamukokerere mayihwa kumwe nokumukwatera kononkondo.

Yimo ngoso ana kutanta mukurona govaporosi momukunda gwina Josephat Abel. Mugazarerwa ogu ana kara asi muNamibia gomugara, kavamuhamatere vaporosi moune, ngesi kuna kumundindira kompanguro momandaha, yimo ngoso katente moutano. 

Simpagwa simwe momukunda gwaKavango zoutokero,gonomvhura 18 mugara, mugazarerwa, kavamukwete vaporosi morwa kakwete mukadona gonomvhura 16, makura age kazire hena akahwike nzugo zendi pomukunda gwaMarenge. 

Age takamoneka kompanguro momandaha, age kuna mutamba erapoto lyokukwatera kononkondo ntani kuhwika nzugo. 

Kuna kuzuvhika asi age kakwete muntu ogu nokumutwara moyihwa omu kakakere nendi panyama age mwene kapi ana hara. 

Makura yiyo simpe kazire aka hwike nzugo zomukadona ogu, ezi kazipire enoto noto, yimo ana kutanta Abel. 

Ozina womunyandi kavakatuliremo sirapotwa komumati ogu, ogu ana kara ngesi modorongo anon age ngesi kuna kumundindira aka moneke kompanguro. 

Mwasimwe hena naso hambara sokulifana, vaporosi poNcaute, omu kavakwete mugara kakere nocanibas mofunguna zendi pevango kavakere lyokukeverera monzira. YiCanibas eyi kavayigwene komugazarerwa ogu ano age yipo kavamukwete poopo. Awo vaporosi kavagwene Canibas zene zene yipakote yivali omu kavapilire kugwana asi mulyo gwazo yingapi.  

Gonomvhura 48, mugarazerwa ngesi pweli poNcvaute momawoko govaporosi nage kuna kumundindira aka moneka kompanguro momandaha. 


2022-01-13  John Muyamba

Share on social media
Bottom of a page