New Era Newspaper

Icon Collap
...
Home / Muti simpe kavamutegwidiliremo asi mukurona godoropa zaNkurenkuru

Muti simpe kavamutegwidiliremo asi mukurona godoropa zaNkurenkuru

2021-12-08  Staff Reporter

Muti simpe kavamutegwidiliremo asi mukurona godoropa zaNkurenkuru
Top of a Page

Elizabeth Hiyolwa

 

NKURENKURU - Ndango zodoropa zaNkurenkuru sivike kasipwire kavatengwidiliremo Jafet Markus Muti asi simpe yige nakara mukurona godoropa zaNkurenkuru. 

Ava vana kara vanamberewa kavahorowerermo hena moyipundi yooyo kuna kara Fani Kaundu munona godoropa, Angelius Liveve, Robert Mahina Katura, ntani Leena Kaveto simpe tavatwikire kukara asi yilyo yokomitiye zegendeso. 

Apa nye kageve sihuyungwa sendi sokutambura sirugana oso, Muti kageve nakauke yimwe eyi yavatompoka dogoro ngesi vagava kovatungimo, ntani udigu nye ou vamona posiruwo sokukara asi mvhura kuna kuyapwa. 

Ose twagavako yirugana ko extention 3, mokugava mema,nonzira nado ngesi tatuhara kumana, ano rutjeno yiro nye tuna kurugana ngesi. 

Ose twasima hena ekero lyomema koruha rwaKahenge. Yimo ana kutanta. Awo hena vagava mavango gokutunga vantu gokusika ko 50 koKakuro ntani extention 13 koMayara. 

Mukurona godoropa simpe kageve magano gawo asi ngapi gana kara, asi ose kuna kukagava yirugaeso eyi mema, rutjeno koru rwaune 4 ntani extention 3 ntani rutjeno ko extention 3, ntani kuwapukurura  nonzira kutunda opo vazisundira. 

Muti simpe kageve maudigu gamwe vana kumona, simaliwa kapi vana kara naso, unene yokutulisa noprojeka dononene, yimaliwa yokufuta ava vana hara kudirura. 

Nokutanta asi vantu wovanzi kuna hara evhu, nye kuna kumona asi evhu lina sesupa, ntani koveli nye wokupira kuyisikisamo nayinye. 

Mukurona godoropa katente asi owo vakara nomavango modoropa vahepa kuzeresa mavango gawo nampili kapi vana Tameke kutunga yipo doropa zetu zizere. 

Age kahundilire vakwawo zendi asi twahepa kulimburukwa nosiruwo nsene asi tatuyatara eyi vana kusivana vatungimo vetu.


2021-12-08  Staff Reporter

Share on social media
Bottom of a page