DIVUNDU – Mapokola mwasikiliti sa Kavango ya Upa nebatamile muuna walilimo zemashumi amalalu kazepeli, kasamulaho akufumanwa ni matokwani alikana N$86 396 halekiswa mwamakululu.
Yanyazwa nalibelezwi kubonahala mwa khuta viki yefelile kasamulaho akubeiwa mulatu wakulekisa matokwani.
“Labutanu kanako ya 17h15 kwa Diyoghoa mwamukwakwa wa B8 wa Trans-Caprivi, muuna walilimo ze 32 natamilwe, mi mañata asilezi amatokwani abuima bwa 8.639 kg, amali amwamakululu alikana N$86 396,” nekubaleha piho ya sipokola.