KASIKA – Sicaba sa Kasika mwasikiliti sa Zambezi hasitabiswi kilikezo zamuuso zakupalelwa kuliulula miyaho yesupezi. Bayahi ba Kasika babulela kuli kupalelwa kuliulula miyaho kutisize kuli lioefesi zamuuso zeswanasina ofesi yebona zakuzwa ni kukena mwanaha ya Kasika isupale hahulu. Muyaho noyahilwe ni kufiwa kwalikolo kimuuna walipisinisi nyandi Gerhardus Visagie. “Kimaswabisa kuli muuso upalelwa kubabalela ofesi kasamulaho akuineulelwa ki Visagie. Ofesi yehatisizwe nesiezwi kwatuko hane kubeiwa mulilo wamagesi mwaliofesi zamubuso,” nekubulezi Beritha Musipili, muyahi waKasika.

Naekelize kuli muyaho umwa mayemomaswe mi hakulukeli kubelekela batu. “Hamukabuza babeleki bakwaofesi, mukaba swela makeke. Kamaniti banyanda. Halulati kuli ofesi ikwale. Haikwala, lukanyanda hahulu kakuli Impalila ikwahule hahulu,” nekubulezi muyahi yomuñwi Lucius Mafwila. Kanako yakupotela muyaho, ili yene sindeketilwe ni malotoli apula, New Era neboni mezi mone akenela kwasituwa ni mwa limota mokupazuhile. 

Babeleki nebabonwi basweli kuteya mezi mokupuya. Kono nekuli tata, kakuli mokupuya kimokuñata. Kulumelwa kuli hainela hahulu ofesi italanga mezi, mi babeleki bahapelezwa kukwala ofesi. Hane akupilwe kualabela fataba yeo muzamaisi yabona zakuzwa ni kukena mwanaha mwasikiliti sa Zambezi Matrida Muswe nazinyazinya kubulela sesiñwi. Kono naitumelezi kuli uziba mayemo aofesi. “Limembala zasipokola neli ile kwaofesi kuyo talima zeshile ili kuli muyaho uliululwe, mi piho yeo nelumezwi kwa Windoko,” Musweu nabulezi kabukuswani.