New Era Newspaper

MTC Shares
Icon Collap
...
Home / Muyemeli waKatima wakonkisezwa

Muyemeli waKatima wakonkisezwa

2021-09-13  Edgar Brandt

Muyemeli waKatima wakonkisezwa
Top of a Page

Marythar Kambinda

 

KATIMA MULILO – Membala wakopano yaSwapo Kennedy Simasiku nakonkiselizwe simubuso kuba muyemeli wasilalanda sa Katima Mulilo yatolopo viki yefelile, kasamulaho atulo yahae yetuna mwaliketisa zeketahani zene ezahezi kweli yefelile. Muyemeli uyola nyandi John Mukaya, yana timezi mwakozi yafamukwakwa mwakweli ya Kandao. Hana bulela kanako yakukonkisezwa, mubusisi wasikiliti sa Zambezi Lawrence Sampofu nasusuelize Simasiku ni bayemeli babañwi basikiliti kutaleleza lisepizo zabona mwalilalanda zabona.

“Sicaba saluna mwalilalanda babata zwelopili, kacwalo kaufela luna ni kusebeza hamoho kutiseza sicaba litotwahalo,” nabulezi. Mubusisi nakupile hape bayemeli bakatengo katolopo ni bayemeli basikiliti kusebeza ni muyemeli yomunca. “Sicaba siswanela kuswalisana ni bayemeli baluna, ili kuli bakone kupeta musebezi wabona kaswanelo. Sicaba siswanela kufa tuso, kuluwa ni kuyangwela zwelopili yamapurojekiti atiswa kimuuso. Lutalimana hape ni butata bobutuna bwakutokwa misebezi mwahala babanca ni basali, bubotana ni lukupwe, ili zeluswanela kupyata kwatoho,” nekubulezi Sampofu.

“Lulwanise ketululo yamishobo, butuku bobulwanisa kutwano ni pono yakutisa zwelopili mwasikiliti. Ketululo yamushobo isinyize linaha zeñata. Luswanela hape kubukeleza kozo ni buiketo zeluikola kacenu.” Mwamanzwi ahae, Simasiku naize uamuhela musebezi wakuetelela silalanda sa Katima Mulilo yatolopo kabuikokobezo. “Nilakaza kuitama kutonela mokasebeleza katengo kasikiliti, ili kuli sicaba saluna siezezwe hande,” nabulezi. Simasiku naitumezi hape kwabayahi batolopo ya Katima Mulilo, hamoho cwalo ni kopano ya Swapo kakumuketa. “Nika yemela kakusebeza katata kusina sialuluti. Nako yakusebeza katata itateka cwale,” nekubulezi Simasiku.


2021-09-13  Edgar Brandt

Share on social media
Bottom of a page