Kans e la wo s h i k andj oh o o l o l o Uukwiyuushona Andreas Amundjindi ota ti moshikandjohoololo shaye omuhadi ovakwashiwana tava dengwa kondjala mwa kwatelwa oshiwana shovayelele. 

Amundjindi okwa ti oshiwana ohashi kala alushe sha ngudumana kombelewa yaye tashi kwena ondjala ashike kape na oikulya yoku va pa. 

“Paife ohandi longifa oshimaliwa okudja mondjato yange mwene opo ndi dule okulandela oshiwana oikulya,” ta ti. 

Kansela okwa yelifa ta ti oshikandjohoololo shaye osho shi na omwaalu muhapu woshiwana shovayelele eshi mu na omaumbo 41 hava di momikunda da yooloka. 

Amundjindi eshi a ninga eenghundafana naKundana okwa hokolola ta ti nonande epangelo hali ningi eenghendabala nokuyandja oikulya koshiwana ihai kala ya wana shaashi omaumbo okwa ninga mahapu. 

Okwa ti ovakulupe vamwe otava tekula ovatekulu vahapu ve va fiilwa kounona wavo ashike oikulya iha i kala ya wanena ovaneumbo shaashi meumbo omuyadi. 

“Ovayelele vamwe ova pumbwa eenduda dokunangala shaashi ohava kala va ninga oihakanwa yokulokwa kodula omanga manga vamwe ova pumbwa oikumbafa yokulongifa pefimbo loutalala,” kansela ta ti. 

Amundjindi okwa weda po ta ti ounona vovayelele ohava ninga oihakanwa yokufiya po ofikola shaashi ohava kala tava dengwa koluhepo. 

“Ngeenge owa i keendingosho efimbo longula oto hange ko ounona vashona ve li novadali vavo tava nu omalodu eshi va fiya po ofikola. 

Onda ninga eengheendabala dokupopya navo ashike onghee ngaa tava twikile noku fiya po ofikola,” ta hokolola. 

Eshi a kwatafana naKundana omunambe l ewi l iki mombe l ewa yomuprimaminista I-Ben Nashandi okwa ti eembelewa domalelo opaukansela 

koitukulwa aishe ode lipyakidila nokuninga omapekapeko kombimga yovanhu ve li momhumbwe yoikulya. 

“Otwa teelela okukala twa pewa olopota momwedi tau ya nokonima ohatu ka yandjaneka oikulya keembelewa dookansela,” Nashandi ta ti. 

Okwa ti oikulya otai ka topolwa she likwatelela komapekapeko oo taa ningwa opo ku talike tete ovanhu tava dengwa kondjala moshili. 

fhamalwa@nepc.com.na