Nkuruministera Saara Kuugongelwa –Amadhila kayitente asi Namibia kwaruganesa nomiliyuna dokusika ko N$200 donomiliyuna mokuretesapo ekuliko kovandinkantu unene konoveta dawo mwankenye elima. Kuugongelwa-Amadhila kahuyungire pezegururo epongo eli lyo (PAR) tuna kutumbura pakuzura asi Pan –Afrikan Renainssance lyomazuva gavali moVenduka, moutano una puko.

 Epongo eli kalikereko nositumbura sina kara asi ‘Kutunda komatokoro dogoro moyirugana’omu nye kavapongere vadinkantu womoyirongo yaAfrica. Nkuruministera katente asi epangero ngesi kuna tura nye noveta dovadinkantu pomuzaro gokuhova, ntani kuna karapo nye maligwanekero kumwe nonombunga dokulisiga siga. Age simpe katente mulyo ogu guna karapo ngesi gomarandesero nkenye oku ono kara, moyirongo yaAfrica ntani kuna kuze nye pakakare elipakerero. ‘’ Africa ngesi kuna kara nye evango lina kupitisira  kovadinguli, Kuugongelwa –Amadhila yimo ana kuhuyunga. hamutjanga gombunga zaPAWO, Mildred Jantjies, koruha rwendi katente asi Pan Afrikan Renaissance’s ngovatumwa sitambo sawo kuwapukurura elikwamo lyaAfrika. ‘’ Epongo lyangesi kuna kara asi lyahepa kureta vadinkantu woPan –African wokulisiga siga ava vana kara asi kuna kutwara elikwamo lyokontinente komeho moyirongo nayinye yaAfrica. 

Vadinkantu womoAfrica, kuna kara ngesi asi kapi vana kuvatara nawa ntani kuvatara ngwendi kapi vadiva Yuma. ‘’ Jantjies yimo ana kuhunga ngoso. Epongo sim[pe kaligumineko kounapolitika ntani ekonomi mokuligendesa, ukanguki waAfrica unene egendeso lyawo, erongo ntani nombudi nomalikwamo pontambo zouzuni. –Nampa