Nosure dimwe momukunda gwaOmusati ngesi tanko dina pata morwa ruhanzo omu mvhura zonene zaroka ure woyivike yivali. Nosure dimwe mavango gado gosure kwahanzera ano dimwe kwadigusako mema goruhanzo, eyi yanankisa vanona novarongwa kapi vana kugwana mpito.
Kansela gwaOshikuku Mathew Gabriel katente asi nosure edi dina gumu udigu ou kuna kara Itamaro ntani Petrus Nangolo Iilonga zelipakerero ntani hena sure zaEmvula junior sekondere. Ame kapi nina kara nonombudi nadinye, nye nina zuvhu asi Road Authority nawizamo ngesi,’’ yimo ana kulikida ngoso. Mokukwama mukurona sure zaPetrus Iilonga John Sheyavali, sure zendi ngesi kuna kara momema, makura vamitili novanona vahepa kuruta mema ogo vakasike kosure.
‘’ Elirongo posure zetu ngesi tanko lina haga nakauke. Vanona vetu tuna vatumu komambo dogoro mukaro ngaguwape, ndi dogoro ngatumone asi mema ganatameke kupwira ,’’ yimo ana kutanta. Sheyavali kagwedereko asi kutura sure zipaturuke, kuvhura kureta udigu kovanona, morwa vamwe kugenda sinano soku sika ko 10 km vawize kosure. ‘’
Ose ngatu tarerako dogoro momandaha. Nye ame nina kara nowoma nepu asi ngorooro nazitwikira kuroka, makura ehageko lyokaruwo gono kuvhura kurepa unene, ntudi mukaro peke natutulisapo. Sheyavali katente asi sure zina pukurura nare RA ngano vatameke kuwapukurura nzira ezi, nawo yipo kavalimbwire momuwa.
‘’ Awo ntaantani vayatameke kurugana nzira ezi, zina kara asi kuna zigusa kono ngwawo.nampili ngomu asi vanona, vakurona, kansela ntani vamitili kavatente asi kapi vana kugwana mp[iti zokukasika kosure sivike nasinye,mukurona gerongo momukunda Omusati Benny Eiseb kapatanene asi sure kapi zina pata, oyo kuna kara nombudi dahana usili.
‘’Nsene ono gwana nombudi nadinye, kuhamena sure zina pata, morwa sinke ono kupulirange hena? Ove kuna kwama ngendeseso zokupira kuwapa, ngano wahepa kugwana mbudi ozo komberewa zetu komeho okaze oko ono kutunda. Mberewa zetu kapi zina gwana nombudi dangoso.
Vantu vamwe kuhunga tupu morwa kuhuyunga ntanbi vana hara kunyateka madina govakwawo. Nsene asi kozili sure zina pata, momukunda gwetu, ose ngano tuna yizuvhu nare,’’ yimo ngoso ana kukandurapo nombudi dangesi. – vkaapanda@nepc.com.na