Keetmanshoop –Namibia Students Financial Assistance Fund(NSFAF) hamutjanga gokampany Fillemon Immanuel kayitente asi NSFAF, mokupitira momberewa zankuru ministera, ngesi kuna kuwapukurura ngendeseso omu avagava yimaliwa eyi yipo asi pwahepa kukara asi nkenye gumwe vana muvatere.
Immanuel kageve nonkango edi poopo kavagwanekerere nowo vakahurako merongo lyokuzeruka opo kavakere pomurarero gokutara asi ngapi omu navawapukurura yimaliwa eyi, eyi kayihorokere moune unapuko. Silika esi kasikere monad zetwaromo asi Kufuta omu nakukara monomvhura ngwendi A1, momukaro gongenderera , 41R ntani 51R.’
‘’ Ose kuna kutara omu natufuta, kukwama veta zetu yipo tupopere unene varongwa owo vana kara asi moudigu wokufuta simaliwa oso. Nahepa kuyizeresa asi nampili yikare nye ngoso, yahepa kuzera asi mokugava silinga ezi natutara omu navayigwana ntani nomu ngavayitengwida. Immanuel kahundilire vana vanangesefa ntani vagavi yirugana vahundire ava vagwanenamo mauwa moNSFAF asi vafute yimaliwa oyo yina kara asi vahepa kuyitengwida yipo yivatere ava vana kupura ngesi mbatero. ‘’ Ose tuna hara kuwapukurura koyo yina kara asi yetu, eyi lyatupa epangero, mokuyirugana ntudi twahepa kugwana yimaliwa eyi twageve nare,’’ yimo ana kutanta. NSFAF ngesi kuna kara asi kuna kugava yimaliwa eyi kowo vana kulirongera unkurungu, kompuyuta, nondima , mema nomagwanekero, eyi vatura nye asi ewapukururo lyokutara asi eyi yakarapo mwahepa kuyiyukisa.
Ministera gerongo lyokuzeruka, madeuro nounkurungu Itah Kandji –Murangi kayifatwilire momunene asi epangero lyaNamibia kuna lituramo unene omu vana kutara asi komeho oko kurugana ngapi, neyi tunahepa komeho oko kupitira moTVET, Erongo lyepeguru, ntani noveta dewapukururo. ‘’ magano nye aga gokutwara nayinye pangesefa, 4.0 omu naturetesapo nofabrika omu nayikara asi nomahina novantu varuganene kumwe yipo tuhorepo mukaro gokuninka asi kapi tuna kurugana yokuwapera. Magano nye aga, unkurungu kuna wapa nawa, ruha romarutjeno ntani ekeverero lyahepa kuwapa.
Kandji-Murangi kagwedereko asio yina kara mulyo unene nonkuru sure ntani mavango gamwe gana kugava erongo lyokuzeruka, vahepa kuhafa nomu navatwara erongo lyangesi komeho mokupitira mounkurungu yipo vagava udivi ou womaholi ntani gas, morwa ose ngesi tuna kara nye vamwe worutjeno rosinauhako. – Nampa