Omutjangerepo wOruuano rOvaungure va Namibia, o National Union of Namibian Workers, o u supi o NUNW, Job Muniaro, ma tja owo veri puna omuyaruke Alpheus Muheua apehe pu ma perwa ondjozikiro oseinina nganduu tji ma suvisiwa ndino mo Tjangundu mo Tjohorongo.

Muheua ngwa tire Oritjatatu ndazuko mo Tjozondjii,  wari iumwe wo va piuke mo tji tamba tjo vaungure, tjinene ongondoroka no ma usemba wawo,  no mu nane ohongora wo vaungure mo ru veze orukuru ro huurire ngunda omausemba wo va ungure mo Namibia aye ha tjiukwa no ku varwa. Pendje no kutja Muheua mo ngutukiro wee ku seinina otjo Ministera yOkehi yo Vitjitwa Vioviungura, Ongaro mOviungura no Mamemeno Woviungura, oruveze indo ndjaa itjiukwa otjo Ministero yo Vitjitua Vioviungura no Nÿunino yOtjiwaøa, eye tjandje nao wa yata ozo ndambo ozo ngoto mo tjitamba tjo vaungure mo ku rwira omausemba wo va ungure. Okuzira ko Tjozondjii eye maa ungura mo ngoporo indji o Rössing ndji sesura o urana nganda arire o Peresidenda yo NUNW.  Kombunda yo ma toorore wo 2009 eye otja rira okaøepo ko Mbongarero yo Tjiwaøa nu mo Kambineta oitjavari yo ma naneno wa Hifikepunye Pohamba  otjo tjiuru tjehi, emuziki otjo Ministera yOkehi yo Vitjitwa Vioviungura. Mo 2015 eye otja naningira okwiisamewa mo tjiÞo ihi mena ro u veruke o u ngundi tjinga aa wa o ru mbembera. 

Muniaro, iumwe mo vengi ngwa yandja ondjozikiro ku Muheua oku pitira mo Murari wOndjivisiro Ombaranga ma raisa o u piuke wa Muheua no me ri yandjero we ko tjirwa tjo u semba wo va ungure nganduu tjarira o Minister yEkehi. Tjarira o Ministera yOkehi ke na indu  wa ya ruka o mbunda  posia a ungurire o u semba wo va ungure otja tja utire oku urwira pu no vaungure ovakwao  eye omuni ngunda aari omuungure.

Eye waseko oserekaze, Kashona, no vanatje vetatu.