n Kae Maṱunḓu-Tjiparuro
Tjimuna ozombura inḓo zarwe mbari nḓa yanda nondatu, o 1863 no 1923, o 2023 mai rire ombura yapeke mOuherero nOkouherero? Eepura nda ingana mOuherero nOumbanderu i ozondekurona zOtjiṱiro Otjindjandja tji maze zemburuka ozombura esere z o m a k o t o r e r o w o m a ṱ u p a wOmbara Samuel Maharero mo 1923 kOnamibia, okuza kOtjauana ku ya ri aya suvisiwa mOseroue otjirongo tjouvahara wOvabamagwato. O 1863 i zemburukirwa kombongarero ya Tjimbingue okuzika Omuniovita Samuel Maharero. Mo 1923 wina atji worongana mounyaṋu watjo mOkahandja okuyakura omaṱupa womuhona wawo nokuyehoreka. Kaari omahorekero womaṱupa inga uriri nungwari otjiwaṋa tja uta okuripaha nokututumuna omekuriro watjo oyo ngari aya kozewa i yongamburiro yOukriste. M e n a r o m a k u r u h u n g i wo 1863 no 1923, otji pe nomaundjiro wokutja o 2023 maisokurira ombura yapeke ndji he ri yokuzemburuka onḓiro yombara Samuel Maharero porwe, nungwari wina otjiwaṋa tji matji sokuronderako okuriyaruka nokuripaha mu imbi mu tja puka. Muvyo mu mu notjiungura otjinene tjokupaha otjisuta tjombinḓu yatjo nominyo vyovakuru novaṱi vawo kehi yOmbara Samuel Maharero ku nOvimbumba vyorupa rovita vyEhi Ehuure rOvandoitji. Nawina okutara ombwiro yotjiwaṋa kutja tjii moruveze oruzeu rombwiko nai hapo otjo tja unda mu uṋe nu matji ka kakwa pi nu mu uṋe? Omazemburukiro nga ye ri momayuva womasuviro inga wina ndi ri Eyuva rOzombangaṋe orondi mari zemburukirwa mOtjomuise Oroviungura.
Ngunda imbi vyozombura esere amavi kawirira mOsondaha momayamberero nge kara ko ombura aihe. Embo ehongonekwa ndi mave ṱaṱereko mari tja: Okupukata orukapitaveze rwetu, Okunyandera ro ndino ndi, Okutunga oruyaveze rozondekurona. Oritjavi ozondangere otji za turire, kokutja Oritjatatu ze tjirwe amaze yakisa ezuko. Muhuka ngurova poruveze romasekirisiro wovayenda mOkahandja mape tokerwa otjihungiriro tji matji tumburwa i yOnganga Vimanuka Mutjavikua kehi yotjihungiriro: “Ngatu ṱe amatu ru”, ndi ri embo Katjiikumbua nda hindire kovanane ovakwao. Ovimbumba erero otji vya utire okuheruka nokuworongana. Muhuka mape uhara omahungi nganduu Osondaha ovandu tji va kaza kozongungu.