Kae Maṱunḓu-Tjiparuro

Ombara Busale Mbimbo wa Mauaneno kehi ra Tjauana oomuhungire weyuva pomaisireko wonguyu kombindi yOmbara Kanangatie Hoveka wonganda ya Tjimana pOtjosazu mOvitoto Osondaha. Ombara Mbimbo owonganda ya Tjimana. Otjitjitwa hi tji ri otja kongaro yetando tjinga Kanangatie, tjimuna oruveze oruzeu rwopokati kovita ku nOvandoitji, ave hi na va rwire novengi wina nga mba ave hi nomahuno. Ku mbe ri mOkakarara nondjendjeto yatjo ozondjira maze hungama kOhamakari ngunda imba mbe ri mOtjomuise na Kahandjanongondoroka amaze hungama kOvitoto kOtjosazu. KOvaherero nOvambanderu tjinene mbe ri popezu nombazu yavo nongondjero yotjisuta tjOtjiṱiro Otjindjandja omayuva womasuviro nga, pe novitjitwa vivari mbi mavi sokunana ombango yavo. Onganda yaTjimana i ri mOvitito okuza ku ndino ndi, ozondangere otji maze tura ngandu kOsondaha tji matji isa ko omakutu komuṱi nomukuru watjo, Kanangatie Hoveka eye wehuno nda kamunikwa pOtjosazu. Ngunda otja tji pe kara ombura aihe ozondekurona zOtjiṱiro Otjindjandja amaze wanene pOhamakari okuzemburuka ozombura ozetja-119 zovita vya Hamakari ndja umba omayuva tji ya ri 11 ku Katjose mo-1904. Omaisireko oyeni womakutu ya Kanangatie ye ri mOsondaha tji mai tjombokere ohamdondatu pOtjosazu pu mape kara otjiungura tjomakutjururiro wonguyu kombindi. Tjazumba ovimbumba avi tumunuka avi yaruka kOkandjira ovyo pu vya rarere ku imba mba ire Oritjatano poo Oroviungura. Pu mape kakara omahungi pekepeke mu mu nEhungi rOrata yOkakurondwa ka Matako, Riukua Hukura ngu ma kayakura ovimbumba. Vyarwe mape kara omaserekarerero wondjendero wombindi, ekuruhungi rOmbara Kanangatie Hoveka, nozombinika okuza kovanane vombazu mba vaza. Omazemburukiro wa Hamakari ombura ndji tjinene ye ri pondondo yOkarukondwa ka Kakarara okeni posi ya varwe okuza kwarwe kokure tji mave vaza ngave vaze. Owo maye kara pomayendo wa Hamakari. Kanangatie ngu ma tjiukwa wina kutja wa ungura popezu nOmbara Samuel Maharero nu wa ri omunane kehi yorupa rwozombanguriro, mu vyarwe ovingi u tjiukirwa kokuumba ovita vya Tjisaona ku nOnguena. Wa ṱira mondjira okuyaruka kOtjihaenena okuza mombongarero yOvaherero mOkahandja pu nOmbara Samuel Maharero. Otjosazu oruveze rwovita