Olukanda Evululuko mOshakati olwa tulwa pamuthika gwondoolopa, paife talu ithanwa Extention 15.
Omukuluntu nomupitithi gwomauyelele melelo lyondoolopa lyaShakati Katarina Kamari okwati, omalukanda agehe mOshakati, ka gena oopolota dhina uumwene wevi.
“Moomvula ntano twa taalela otwa ipyakidhila okuyambulapo omalukanda mOshakati, okuga tula poondondo dhopandoolopa,” ta fatulula ngaaka.
Ta ti, aakalimo yomomalukanda Evululuko paife oya pewa epitikilo okukaninga omayindilo gwoku pewa oondokumente yuumwene wevi.
“Eyindilo oha li ningwa uuna mwene gopolota a futu N$30 mo square meter. Okumona ondokumente we hala lye,” ta ti ngaaka.
Kamari okwa fatulula kutya ngaashi ehumo komeho lyuuka komeho no lyafumako, oondokumente ndyoka oya simana ku kehe omukalimo a kali eyina, okumuyambidhidha noompumbwe dha yooloka monakuyiwa.
“Otwa li twa dhidhilike kutya otwa kala noku yambula po ondolopa yaShakati ko mahala hoka kuna aantu yena iiyemo yi li nawa oshowo iiyemo yi li hwepo,” ta popi ngaaka.
Ta ti, sho shoka ya kutha onkatu ya yambidhidhe oshowo ya yambulepo omahala hoka kuna mboka yena iyemo yi li pevi lela nenge kaayena iiyemo ya sha.
Ta popi ta ti, shika natango oyeshi ningile ombinga yimwe yUupindi ndyoka yi li nale po kupwa.
Ta gwedhapo ta ti, oye li momusholondonndo, onkene keshi olukanda mOshakati ota li ka mona omauwanawa oshowo eyambulepo.
Kamari ta ti, omalukanda ngaashi ombinga yimwe yolukanda lwaPohamba olwa tulilwa po nale omayakulo gamwe, ngaashi olusheno nomeyo oshowo omayakulo gamwe ga Muni.
“Otandi kumagidha oshigwana kaashi dhengele wo oompashu momalukando moka, oshoka elelo lyondoolopa olya yalula nokumeta nale lya mana, naashoka otashi shunitha iilonga ya wo monima,” ta popi ngaaka.
Ta indile aakalimo yomomalukanda moka ya kale taya lopota mboka taye shi ningi.
“Ngele omwa kala mwa mwena, mwa tala iiningwanima ya tya ngaaka tayi holoka po pepi na ne, nena olukanda lweni nalo otalu shuna monima okuyambulwa po okutulwa pomuthika gwopandoolopa,” Kamari ta fatulula ngaaka.
Caption : Evululuko olya tulwa pamuthika gwopandoolopa