Tjiri kOnamibia orini otjouvara ondji tya kutja ngu ri okaṋepo kotjihungiriro tjOtjiṱiro Otjindjanndja ouṋe.

Umwe wOvakuramenepo vohoromende mOndjuwo yOzoveta yEhi rOvandoitji, Onongo Anna Lühmann ngu ri Oministera yEhi rOvitjitwa vya Europa na wina vyo Muinjo Weyuru, ma tja nao. Eye  Oritjatatu nda zu ko  tji ya ri 10 ku Kambundu wa zirire epuriro rokaṋepo kondjuwo ndji, Sevim Dağdelen, wotjimbumba tjOkomamuho mondjuwo ndji.

Dağdelen ombura ndja zu ko mu Tjikukutu ngwa ri mOnamibia na hakaene novanane pekepeke vohoromende mu mwa ri Omuhaamise wOmbongarero yOtjiwaṋa nOministera  Ondenga.  ™Ohoromende yOmbwaneno yOtukondwa hapo mai rihongo mo tjike momakweruriro  nga raisirwe  i yOvahindwa vaPeke hambombari vo-UN [Omihoko Omikutasane] wa tjere Ovaherero nOvakwena va sere kutja va kara norupa osemba movihungiriro ohunga nOnḓuvasaneno yaPamwe?,∫ Dağdelen wa purire nao.  ™NOhoromende yOmbwaneno yOtukondwa mai yenene okuungurisa omayeneno ngwi na yo kehi yoveta youye okuhungirira nomapitasaneno nomaitaverero wOvaherero nOvakwena, onḓuvasaneno nEhi rOvandoitji novakuramenepo vOvaherero nOvakwena omasutiro wotjisuta,∫ komurungu Dağdelen wa purire nao. 

Lühmann pa zirire kutja ohoromende ya Namibia i kuramena po Onamibia moviṋenge vyoveta youye nu mu nao oyo ondji ri omahakayeno wohoromende yEhi rOvandoitji momapu ayehe nge notjiṋa nongaro pokati komahi ayeevari nandarire ovihungiriro vyokuṱuna orukapitaveze rwohuurire. ™Otjehi rouvara ku ro orini ndi ungurisa ouvara waro, okusembamisa omakareromo norupa movihungiriro wovimbumba avihe mbya ihamwa,∫ Lühmann ma tja nao. 

Na weza ko kutja otja kondjiviro yohoromende yao, ihi otjiṋa tji tja tjitwa nomeurisiro, ngandu wina mu Seninani mo-2022  ozombara zOvakwena, Ovaherero, Ovatakume nOvakuruha mbe ri kombanda yo-250 tji za hakaena mOtjihungiriro tjOzombara notjingi tjazo aze raisa oruvara rwokutja ovihungiriro ku nEhi rOvandoitji vi kaende komurungu∫.