Otjiṱiro Otjindjandja tjOvaherero nOvakwena atja tjirira pendje noveta ndjii tjitjurura kundinondi kehi yoveta youye nandaku mo-1904 nganduu ko-1908 oveta indji ozombura inÿo okuyari.

Omberoo yOmukuramenepo Omukarere wEhi rOvandoitji kOmihoko Omikutasane mOgeneva tja Switzerland na kotutu twarwe mai tja nao.  Nai tja otjisuta tji za mokutomba omaundjiro wouye kehi yoveta youye nu ndoovazu moruveze rwOtjiṱiro Otjindjandja tjOvaherero, Ovambanderu nOvakwena kamwa ri oveta youye ndji i tjaera okutja kamaape kara otjisuta otjo tji matji sokuza moveta ndjo. 

Indi eeziriro ekahu rOhoromende yEhi rOvandoitji otja komukuramenpo wayo okuzirira kondjemeno yOvahhindwa vaPeke vOmihoko Omikuatase mu Tengarindi mbu va tjangera ohoromen0de ya Namibia noyEhi rOvandoitji okupaha ongahukiro mu zo ohunga nomuano mbu za ungura motjihungiriro tjOtjiṱiro Otjindjandja pokati kazo azeembari. 

Mu mu na kutja ozondekurona tjiva kaza ri norupa notjihungiriro hi nu wina onduvasaneno oseinina pokati kazo ndji tjiukwa otjo-Joint Declaration, Oruyano rwaPamwe karu na otjiṋa nOtjiṱiro Otjindjandja nOtjisuta. 

“Ongutiro yondjururiro nomberero yongatukiro yOtjiṱiro Otjindjandja  yatji ya ri 9 ku Tjikukutu mo-1948, oyo ndje ya momaunguriro kokutuwako omunwe kembo mo-1951, nu i yEhi rOvandoitji mo-1955, kai ungura ovihahambunda,” Ohoromende yOvandoitji mai tja nao. 

Nai ryama komurungu kutja nandarire kutja oyo mai tjiwa kutja pe na imba mbe muna kutja ya sere okuungurisiwa ovihahambunda, oveta youye otja tji i ri nai kai yandjere nao. 

Mu nao otji pe hi na omerizirira kehi yoveta youye ngu maye tja ongatukiro mena rokutja oveta ndji ri po ye keya kombunda yanao. Mu nao ondjesirasaneno otji ya sere okupahewa momiano vyarwe.  Okutja ohoromende yEhi rOvandoitji pu nohoromende ya Namibia opu za pahera ondjira yoporotika yazo azeembari norupa rwoviwaṋa mbya ihamwa. 

“Ohoromende yEhi rOvandoitji atja i vanga okupeṋunisa kape nokuṱikonaparisa omuiihamwatima wayo na wina omeriyandjero wayo katjotjiri kozongondjero zayo okuyeta ondjesirasaneno nungwari maye zeuparisa.”