Kae Maṱunḓu-Tjiparuro

Omayuva womasuviro nga zu ko Otjiuaneho kanaa tja hitirwe nozohiva nozongoma porwazo uriri nungwari omivanda vyatjo vya ri avya yarwa oviyao vyomiti novengi ave tjakaṋa omurari watjo otja tji va yakurire omuniovita mongamburiro nokutja ma kapitire po. Ovimbumba avihe vyozohiva vyombongo ndji nambano ndja rire oFather Tjijombo St John Faith Mission otjondjozikiro kOmuhonge Omunene oArchbishop Peter Katikisa Daniel Tjijombo, okuza mOnamibia orini ngandu kOsouth Afrika na Tjauana ku kwe rikwambere otjimbumba tjozohiva tjorupa rwondjururiro ya Namibia, otjomundu ngwa perwe ombakero yokotjiveta i yohoromende, ombya ri amavi nyandere omuyaruke Tjijombo na wina pendje nokuhuhumiṋa nokurihuhumiṋa nangwari aavi yorokere omuinyo we nozondambo ozongoto nḓa yata kutja omongamburiro oini, omongutukiro na wina mokuungurira otjiwaṋa tja Namibia atjihe mouparanga watjo, nu tjinene wina Otjiuaneho ena re pu ri hi na maari zembwa tji kwe ya komekurisiro watjo okuutira komayuva omazeu wondatumisire yohoromende yombangu yotjivara ya South Afrika. Tji tja ri otjiṋa tji tja zikamisa ouvanḓe we kutja eye kombunda yongutukiro ma varwe otjomurwe omukuru. Otjiuaneho tji tja hitirwe nozohiva nozongoma novimbumba pekepeke omayuva womasuviro nga kapita okuza kombuze yonḓiro yomuyaruke oArchbishopa Tjijombo tji ya zeuparisiwa Osondaha tji ya ri 16 komueze mbwa zu ko eye tja ṱa, otjirongo otji tja uta okunyangatara, ovimbumba pekepeke okuza mOkarukondwa kOmatoororero ka Tjinene okeni na noutukondwa warwe tji wa uta okuṱungukira kOtjiuaneho okukahuhumiṋa otjikutu na wina kovengi ngwa ri ihe ku ku he ri mongamburiro porwemayo nungwari otjovengi mongamburiro ngwa ri omuurikandjira ku vo wina ngwa rira omunene wao