Betahnie- gonomvhura 68 Lydia Fredrick mazuva gokurara monzugo zoyipereki tupu ngesi gana puko nye. Eyi kayihorokere poopo Musamaria gonkenda kawizire ayamuvatere nokumupa nodopi adike embo lyendi.

 Apa nye sayitunga zaNew Era kazikamudingwire pembo lyendi lyepe, age kapi kavhulire kuhoreka ruhafo rwendi. Fredrick kakahwililire membo lyendi lyepe kwedi kuna pitipo. ‘’ Eyi kwakara nye asi ekanderero lyakerepo lyagusa masiku gomanzi omu gagazara asi nage ezuva limwe ngarara membo lyekuma noyipereki,’’ yimo ana kutanta.fredrick kageve nye rupandu rwendi kogo lkamupere yininke yangesi, age muna yirongo nye kwaweka nofarama mbali mumukunda gwawo. 

Age kuna kuyimona asi vanayirongo navamwe wovasesu kuna kara momambo gomawa, mema gomawa, rutjeno ntani omu nye aga piti mema gomadona. ‘’ Muntu ogu, kwatamekere noprojeka ezi nomvhura mbali dina kukapita, omu gahere asi agwane N$15 000 kovantu owo gamwene asi yiwo vana gwanenemo mauwa makura age yipo nye gatamekere kudika nzugoi zendi zononkondwa dokurara mbali ntani evango lyokulikuhwira noyininke yamwene, Fredrick yimo ana kutanta ngoso. 

Ogu nye gagava yimaliwa yoprojeka ezi, kwakakorotere yimaliwa yokusika ko N$13 000 kupitira koNampost momukuli ogu vaturapo asi vavatere vakurupe ano mugara gwendi Johannes gonomvhura 73, kwagwedererapo N$3 000 makura embo lyawo lina gwaneke. ‘’ Eli kuna kara nye egano lyange asi sinzi sovakurupe moBethanie vahepa kuhonena eyi narugana vagwane mambo gavene. Ame ngesi kuna hafa momunene, unene kogu mugara gawiza ayawapukurure maparu getu nonkereso zetu,’’ yimo ana kutanta. 

Embo eli kwalidikira pevango eli lyakara asi lyagwana etarururo nayinye yiruganeso poyili ano ngesi embo nevango nalinye kuna kara nye asi lyowo vana gwanenemo uwa ou.  –sklukowski@nepc.com.na