Oruroto rwe nu kuye ombu ri ouye komeho wamuhuka tjinene kotjiwaṋa tji tji hungira Otjiherero, otjo okutya ozopereisa zovinamuinyo vyatjo. 

Ombara Otjitambi yotjimbumba tjimwe tjOuhonapare wOmbazu wOvaherero, Onongo Hoze Riruako, ma zeri nao. Ovimbumba vyovahungire vOtjiherero, mu mwa ri ozombara zomauhonpare warwe wombazu wovahungire vOtjiherero, Oroviungura va ri ozohatoi zomatuirisiro wa Riruako mOkahandja. 

Tjo tjikoro yari ombazu ohomonena omaturisiro mbu ya kayendere tji tja nanene ombango yovengi. Ondimwa yayo ndjari ri nOndangere Ngeke Katjangua okuyandja okati kounane kombara Riruako. Tjapeke momayandjero tja zirire pomuriro ama wondjo kozongoro nganduu omutuirisiwa pari aa haama kotjihavero otjinene onyama pe mu pere okati kouvara. Tjazumba ape kongorere omayandjero wozohako zouvara pekepeke. Kutja nambano omasa ayehe okuura ye kare mombara. 

Outjina, omuhiva, oviritje (Meisie Henguva) nomaimburiro ya ri orupa rotjitjitwa ihi otjo kombunda yembo rombara tji tja kongorerwe po i yozombinika pekepeke muzo okuza kozombara nḓa ri po nu tja karira ongurova ovandu ave tokerwa mondjoroka yomizumbi. 

Membo re Ombara Riruako wa tjere Omahi wOvaaraba ye notjimbumba tji tji ha raerwa kutja omaori watjo ngaye rande ku vingapi posi otjo tjini otji tji tya onḓengu notjimariva tjomaori inga. Munao wina ovahungire vOtjiherero otjovatumba ngombe nu mbe ri oveni vozongombe ozengi, tji ze he ri ozengi zengi moNamibia okuzamba, otjo ondjira yokomurungu kave sere okuuhara amave tyewa kutja ongombe yawo ngave randise ku vingapi nungwari ovo oveni omba sere okutya kutja oyo i nongee nḓengu. “Ndjesa mbi kuraere. Me tja kweṋe okupaha omuano imbwi kutja kangamwa Omuherero kombunda yokurandisa ongombe ye, ma kayende ama yorayora. Oruveze rwa horo okutjaera ongaro yovarande yokutja ‘tji u hi nokuvanga opereisa indjo okutja pitisa’”.