Omunambelewawiliki welelo lodoolopa yaNdangwa Ismael Namgongo okwa ti ovanailonga vamuni waNdangwa ovo kwa li va tulwa pedu omolwomapyopyo elandifo ledu paumbudi, ova alukila koilonga. 

Okwa ti ovalumenhu vatatu hava longo melelo lodoolopa yaNdangwa okwa li tava ningilwa omakonakono konima eshi tava fekelwa vati va landifa eenhele domadu paumbudi kovakwashiwana vamwepo komalukanda. 

Ovanailonga hava longo koshikondo shokupangela ova kala pedu okudja omudo wa dja ko muSeptemba eshi vati va longifa oulingilingi wokulandifa omadu. 

Meenghundafana a ninga naKundana Etine Namgongo okwa koleka ta ti ovanailonga otava ka ya komakonakono a xuuninwa kexulilo lomwedi ou shaashi natango oshikumungu shavo inashi pwa okukonakonomwa, nonande va shuna koilonga. 

Okwa weda po ta ti muni waNdangwa okwa li a pula ovakalimo vomOndangwa opo va ka yandje ouyelele kombinga yoshikumungu eshi opo ku kale kwa ningwa omakonakono omondjila. 

Okwa kuma i da ov a k a l i mo vomOndangwa unene tuu ovanhu hava di komalukanda opo va xulife po okukala tava lande omadu paumbudi shaashi inashi pitikwa. 

“Osha nyika oshiponga ngeenge omunhu ta lande onhele yedu paulingilingi shaashi eshi ohashi dulu oku eta omunhu a kale a kanifa oshimaliwa shaye,” Namgongo ta ti. 

Okwa weda po ta ti oshiwana nashi kale tashi kwatafana neembelewa delelo lodoolopa ngeenge pe na eshi sha hala okupula opo shi dule okupewa oueyelele u li mondjila. 

fhmalwa@nepc.com.na